Мәкерле сир өҙҙө ғүмерҙәрен

7 ноябрҙә Өфөнөң 47-се һанлы ҡатын-ҡыҙ консультацияһының акушер-гинекологы Гөлнара Зәрәфетдинова вафат була. Был хаҡта «Өфөнөң Дим районында йәшәүселәр» тигән төркөм хәбәр итә.

«Ул бик ярҙамсыл ине, бар ғүмерен яратҡан эшенә бағышланы. Хәстәрлекле әсәй, өләсәй, тормош иптәше һәм изгелекле дуҫ. Уның бик йәшәгеһе килә ине, мәкерле сир уны аяманы», — тип яҙалар төркөмдә.

Өлкән ҡыҙын мәңгелеккә юғалтҡандан һуң биш көн үткәс, мәкерле сир эҙемтәләренән Гөлнараның 78 йәшлек атаһы – БР-ҙың атҡаҙанған нефтсеһе Тәлғәт Зиәҡай улы Зәрәфетдинов мәрхүм була. Ике аҙна үткәс, 25 ноябрҙә сир ҡатындың тормош иптәше 68 йәшлек Виктор Товстюктың ғүмерен өҙә. Быйыл уларҙың никахына 20 йыл тулған булған.

Фото: https://www.instagram.com/demchane/