Даирә
+16 °С
Болотло
Бөтә яңылыҡтар
Уяу булайыҡ
18 Август 2020, 12:49

Уйын майҙандары ла хәүефле...

Ҡыҙ уның нығытылмағанын ҡайҙан белһен, ҡапҡаның өҫкө тимеренә ҡулдары менән барып йәбешкән. Ҡапҡа әйләнеп китеп, баланың өҫтөнә ауған...

Сибайҙа прокуратура баланың бәхетһеҙлеккә тарыу осрағы буйынса енәйәт эше асҡан. 1 августа Ветерандар урамындағы балалар уйын майҙансығында ете йәшлек ҡыҙ бала өҫтөнә нығытылмаған хоккей ҡапҡаһы ауыуы тураһында хәбәр ителгәйне. Башы ныҡ йәрәхәтләнгән баланы дауаханаға оҙатҡандар.
Енәйәт эше барышы һәм тикшереү күҙәтеү ведомствоһы контролендә. Билдәле булыуынса, конструкция уйын майҙансығында торған. Ҡыҙ уның нығытылмағанын ҡайҙан белһен, ҡапҡаның өҫкө тимеренә ҡулдары менән барып йәбешкән. Ҡапҡа әйләнеп китеп, баланың өҫтөнә ауған. Ҡыҙғанысҡа ҡаршы, бындай бәхетһеҙлек осрағы республикала тәүге тапҡыр ғына түгел. Бөтәһе лә өлкәндәр яуаплылығында, фажиғәләрҙе иҫкәртеү улар ҡулында.
Фото:Башҡортостан буйынса Тәфтиш комитеты.
Автор: Дина Арсланова
Башҡортотсан гәзите сайтынан алынды
Читайте нас: