Баҡса һөрөлдө – Агромиҙгел-2026 уңышлы тамамланды

Ерҙе көҙ көнө һөрөү нимәһе менән файҙалы һуң? Хәҙер аңлатам. Ерҙе көҙ һөрөү ул – тупраҡ структураһын яҡшырта, ҡоротҡостарҙы юҡ итә, тупраҡҡа ҡышҡылыҡҡа дым йыйырға ярҙам итә.

Шулай уҡ көҙгө һөрөүҙең төп өҫтөнлөгө булып ҡоротҡостар менән көрәшеү тора, сөнки ер ҡатламын әйләндергәндә бөжәктәрҙең личинкалары, көплө ҡорттары һәм төрлө сирҙәр тыуҙырыусы бәшмәктәрҙең споралары өҫкә сыға һәм ҡышҡы һыуыҡтарҙа һәләк була.

Ҡый үләндәрен юҡ итәбеҙ: ҡый үләндәренең орлоҡтары һәм уларҙың тамырҙары тәрәнгә төшә йәки, киреһенсә, ер өҫтөндә туңа.

Дым туплайбыҙ: йомшаҡ тупраҡ көҙгө ямғырҙарҙы һәм ирегән һыуҙы яҡшыраҡ һеңдерә, яҙғы сәсеү өсөн дым запасы булдыра.

Тупраҡ структураһын яҡшыртабыҙ: ҡышҡыһын тупраҡтың эре киҫәктәре һыуыҡтар һәм дым тәьҫирендә тәбиғи ваҡлана, тупраҡ һауа һәм һыу үткәреүсән була.

Ашламалар һалабыҙ: индерелгән органика (тиреҫ, серетмә) өлөшләтә тарҡалып, яҙ башында үҫемлектәр өсөн уңайлы формаға күсә.

Көҙ ер һөрөүҙең тәрәнлеге: ауыр балсыҡлы тупраҡты штыкҡа көрәк йәки тәрәнерәк (20-30 см) һөрәләр, ҡатламды тулыһынса әйләндерәләр. Эре тупраҡ киҫәктәрен көҙгө һөрөүҙән һуң һабан менән тигеҙләргә йәки тырматырға кәрәкмәй, эре киҫәктәр ҡарҙы яҡшыраҡ тотоп тора һәм тәрәнгә туңа.

Бына шулай, дуҫтар! Һеҙ ҙә баҡсағыҙҙы көҙ көнө һөрҙөртәһегеҙме?

Айрат ИСКӘНДӘРОВ.

Үтәгән ауылы.