Таҙа ярҙар – дөйөм эш!

Сарала ҡатнашыусылар бирсәткәләр, сүп-сар өсөн тоҡтар менән ҡоралланып, Ағиҙел йылғаһының яр буйы биләмәһен таҙартыуға сыҡты.

Дөйөм тырышлыҡ менән яр буйын көнкүреш сүп-сарҙарынан таҙартыу һәм урындағы халыҡтың яратҡан ял итеү урынын тәртипкә килтереүгә өлгәшә улар.

- Тыуған яҡтың экологияһы хаҡында хәстәрлек күреү — уртаҡ киләсәгебеҙгә өлөш индереү ул. Кешеләрҙең яҡшы маҡсат өсөн берләшеүен күреү бик күңелле. Ваҡыт тапҡан һәм акцияны хуплаған һәр кемгә рәхмәт! – тигән тәьҫораттары менән бүлеште беренсел бүлексә секретары Айгөл Мирғәлиева.

Бындай өмәләр бер тапҡыр ғына үткәрелгән акция түгел, ә изге йолаға әүерелде. Тәбиғәтте һаҡлағыҙ һәм шуны иҫегеҙҙә тотоғоҙ: йыйыштырылған урындарҙа түгел, ә сүп-сар ташламаған урындарҙа!

Зөлфиә БӘХТИЙӘРОВА,

 “Берҙәм Рәсәй” партияһының урындағы бүлексәһенең башҡарма секретары