Бер аҙнала республикала 29 мең кеше ОРВИ йоҡторған

Респиратор инфекциялар һәм грипп менән ауырыусылар күбәйә. Уҙған аҙнала республикала ОРВИ йоҡтороуҙың 29 мең осрағы теркәлгән, Өфөлә генә 12 068 осраҡ. Сирлеләрҙең 52% – 14 йәшкә тиклемге балалар. Был хаҡта мэрияла уҙған оператив кәңәшмәлә Роспотребнадзорҙың республика буйынса етәксеһе урынбаҫары Галина Пермина хәбәр итте.

Һалҡын тейҙереүселәрҙең артыуына бәйле Өфөлә 15 мәктәптең 33 класы карантинға ябылған.

«Дүрт аҙна инде лабораторияла А H1N1 киҙеүе вирусы асыҡлана, әммә Гонконг киҙеүе өҫтөнлөк итә. Шулай ҙа төп массаны риновирустар, парагрипп, пневмовирустар һәм COVID-19 ҡуҙғытыусылары тәшкил итә», — тип билдәләне спикер.

Хәтерегеҙгә төшөрәбеҙ, Гонконг киҙеүенең үҙенсәлектәре: температура 40 градусҡа тиклем күтәрелә, тән һыҙлай, баш ауырта, ҡоҫтора, эс китә. Сирленең хәле хөртәйә.

https://www.bashinform.ru/news/social/2025-12-17/za-nedelyu-v-bashkirii-orvi-zaboleli-29-tysyach-chelovek-4511444