Балағыҙҙы йәйге лагерға ебәрергә уйлаһағыҙ...

Баланы лагерға ебәрергә ниәтләһәгеҙ, балалар һауыҡтырыу учреждениеһын һайлауға етди ҡарағыҙ, башҡалар ҡалдырған фекер-тәҡдимдәрҙе, климат һәм башҡа үҙенсәлектәрҙе өйрәнегеҙ.

Һауыҡтырыу лагеры менән килешеү төҙөгәнгә тиклем түбәндәге мәғлүмәттәрҙе белешегеҙ:

- һауыҡтырыу ялын тормошҡа ашырған ойошма тураһында белешмә (исеме, ойоштороу-хоҡуҡи формаһы, теркәлеү тураһында мәғлүмәттәр);

- “Роспотребнадзор” идаралығы биргән санитария-эпидемиология һығымтаһы тураһында мәғлүмәт. Был документтың ғәмәлдә булыу ваҡыты – бер йыл. Әгәр лагерҙа пляж булһа, уны рекреация зонаһына (йәғни пляжға) санитария-эпидемиология һығымтаһы булған осраҡта ғына файҙаланырға мөмкин;

- балаларҙы һауыҡтырыу эшмәкәрлеген тормошҡа ашырыуға медицина лицензияһы йәки ошондай лицензияһы булған медицина учреждениеһы менән ғәмәлдәге килешеү булыуы тураһында мәғлүмәт;

- учреждениеның кәрәкле белгестәр менән тәьмин ителеүе һәм уларҙың квалификация кимәле, учреждениеның техник йыһазландырылыуы (ҡорамалдар, аппаратура, спорт һәм туризм ҡорамалдары, транспорт һ.б.) тураһында мәғлүмәт;

- балаларҙы урынлаштырыу шарттары, уларҙың туҡланыу режимы, көн тәртибе, ата-әсәләрҙең (законлы вәкилдәрҙең) балаларға килеү шарттары тураһында мәғлүмәт;

- медицина һауыҡтырыу процедуралары исемлеге тураһында мәғлүмәт.

Балаларҙың ял итеү һәм уларҙы һауыҡтырыу ойошмаларының берҙәм реестрында лагерь булыу-булмауын мотлаҡ тикшерегеҙ (https://education.bashkortostan.ru/documents/active/422307/).

Баланы һауыҡтырыу лагерына ҡабул итеү өсөн кәрәкле төп документтар:

• табиптың инфекциялы ауырыуҙар менән бәйләнеше булмауы тураһында һығымтаһы (белешмәне заездға тиклем өс көндән дә алдараҡ алырға ярамай)
• сәләмәтлек торошо тураһында амбулатор картанан өҙөк
• булған прививкалар тураһында мәғлүмәт
• балалар һауыҡтырыу лагерына ҡабул итеүгә медицина иҫкәрмәләре булмауы тураһында мәғлүмәт

Күрһәтелгән хеҙмәттәрҙең үҙенсәлеген һәм комплексын иҫәпкә алып, ойошмалар өҫтәмә талаптар ҡуя ала.

Роспотребнадзор идаралығының ҡыҙыу элемтә телефоны 8-800-77-50-170

Фото: “Башинформ” агентлығы.