«Беҙ булмаһаҡ, кем һуң?»

 “Башан” Олокүл ауылында тыуып үҫкән. Бәләкәйҙән үк ул музыкаға тартыла. Башта Ғәзиз Әлмөхәмәтов исемендәге респу­блика гимназияһын, һуңынан Өфө сәнғәт училищеһын тамамлай. Биш йыл Рәсәй Федерацияһы По­четлы ҡарауылының өлгөлө хәрби оркестрында хеҙмәт итә.

-Был Рәсәй Федерацияһы­ның Ҡораллы Көстәренең музыка башҡарыу өсөн билдәләнгән мах­сус штатлы хәрби бүлексәһе. Уның музыканттары сит ил, хөкүмәт һәм хәрби делегацияларҙы ҡаршы ала һәм оҙатып ҡала, дәүләт әһәмиә­тендәге төрлө сараларҙы оҙата бара. Беҙ дәүләттәрҙең беренсе заттарын осраттыҡ. Владимир Путин, Дми­трий Медведев, Барак Обаманы күрҙем, -ти әңәмәләшеүсем.

Оркестрҙа хеҙмәт иткәндән һуң “Башан” тыуған яғына ҡайта. За­водта эшләй башлай, улдарын тәр­биәләү менән шөғөлләнә. Ә 2024 йылдың мартында үҙ теләге менән махсус хәрби операция зонаһына юллана. “Ни өсөн махсус хәрби операция зонаһына барырға бул­дығыҙ?” – тигән һорауға ул: “Беҙ булмаһаҡ, кем һуң?” – тип яуап бирҙе.

“Башан” миномет расчетында командир булып хеҙмәт итә.

- Дошман объекттарына 120 минометтан атабыҙ. Ниндәй генә хәл килеп тыуһа ла, алдыбыҙға ҡуйылған хәрби бурыстарҙы үтәй­беҙ. Башҡа хәрби хеҙмәткәрҙәр менән бергә эшләйбеҙ, -тип бил­дәләне яугир.

Күрһәткән батырлығы һәм фиҙаҡәрлеге өсөн ул “Батырлыҡ өсөн” һәм “Махсус хәрби опера­цияла ҡатнашыусы” миҙалдарына лайыҡ булған.

Яугир тыуған яҡтан килгән ярҙам айырыуса мөһим, тип ур­таҡлаша. Өйҙә уны ғаиләһе һәм яҡын кешеләр көтә. Күптән тү­гел “Башан” яраланып, ҡыҫҡа ваҡытлы ялда булып киткән. Әлеге ваҡытта махсус операция зонаһын­да хәрби вахта алып бара.

Ул хәрбиҙәрҙең ял минутта­рында яҡындары менән аралашы­рға тырышыуҙары тураһында һөйләй. Ә “Башан” татар телен­дәге йырҙарҙы, айырыуса яратҡан йырсыһы Салауат Фәтхетдиновты тыңларға ярата икән.

- Үҙебеҙҙең йырҙарҙы тыңлаһам, тәнгә йылылыҡ йүгерә, кәйеф күтәрелә, үҙеңдә көс өҫтәл­гәндәй тояһың,-ти ул.

Яугиргә һаулыҡ, уңыштар, именлек, Еңеү яулап, тиҙерәк өй­ҙәренә ҡайтыуҙарын теләйбеҙ.

 Әйткәндәй, республикала контракт төҙөгән­дәргә бер тапҡыр бирелә торған түләү 2 миллион һумға тиклем арттырылды.

Хеҙмәт итеү йылында 4 520 000 һум аҡса эшләр­гә мөмкин. Махсус хәрби операцияла ҡатнашыусы­лар һәм уларҙың ғаилә ағзалары өсөн республикала шулай уҡ 40-тан ашыу льгота ғәмәлдә: фатирҙарға ташламалар, шифаханаларға путевкалар, балалар өсөн бушлай белем биреү һәм башҡалар.

Контракт хеҙмәтенә ҡағылышлы һорауҙар буйынса 2-14-78, 2-11-58 телефондары буйынса шыл­тыратырға йәиһә Ҡырмыҫҡалы һәм Архангел райондарының хәрби комиссариатына килергә мөмкин.

Әлфиә ӘХМӘҘУЛЛИНА.