“Йәштәр киңлеге” һеҙҙе көтә!

Беҙҙең районда “#Мывместе” “Йәшлек” йәштәр үҙәге. Яҡты, уңайлы, креатив йәштәр киңлеге булдырылды.
- Ильяс Таһиров һәм Галина Севастьянова – “Йәшлек” йәштәр үҙәге волонтерҙары Ҡырмыҫҡалы район Мәҙәниәт һарайының икенсе корпусында Йәштәр киңлеге булдырыу идеяһы менән уртаҡлаштылар. Уларҙың ҡатнашыуы һөҙөмтәһендә проект йәштәр форумы сиктәрендә район хакимиәте башлығы грантына лайыҡ булды. Бында беҙҙең район волонтерҙары осрашып, аралаша, махсус хәрби операция яугирҙәренә ярҙам итә, акциялар, әңгәмәләр үткәрә аласаҡ.
Хәҙер сәләмәтлеге мөмкинлектәре сикләнгән балалар өсөн тактиль картиналар әҙерләү буйынса эш алып барыла. Проектты ғәмәлгә ашырыу шунда ғына туҡталмай, беҙ алға таба ла үҫәсәкбеҙ, - тине район хакимиәтенең йәштәр сәйәсәте, физик культура һәм спорт бүлегенең йәштәр менән эшләү буйынса баш белгесе Виктория Истратова.
Проекттың маҡсаты - йәштәрҙең үҙҙәрен үҫтереүгә, йәштәрҙең инициативаларын тормошҡа ашырыуға, йәштәр һәм үҫмерҙәрҙең ижади, интеллектуаль, коммуникатив һәләттәрен асыуға мөмкинлек биреүсе уңайлы, заманса киңлек булдырыу, планлаштырылған саралар сиктәрендә йәштәштәренең киң даирәһе менән аралашыу мөмкинлеге менән йәштәрҙең ялын ойоштороу.
“Йәштәр киңлеге” сиктәрендә “Гармония” йәш ғаиләләр клубы эшләй. Күптән түгел бында Ҡырмыҫҡалы ауылының 1-се һанлы балалар баҡсаһында тәрбиәләнеүселәр менән берлектә “Хат менән яугиргә ярҙам ит” акцияһы, шулай уҡ “Асыҡ ишектәр” көнө үткәрелде.
- Был ял итеү, эшләү, яңы белем алыу өсөн ҡыҙыҡлы урын. Темалар проекты уникаль, йәштәр проектты ғәмәлгә ашырыуҙа туранан-тура ҡатнаша, йәғни үҙе һәм үҙе өсөн ижад итә, - тип һөйләне Галина Севастьянова.
Светлана Әхмәтйәнова.

Бөгөн балаларыбыҙҙың күңеле һәм башы өсөн даими көрәш бара. Беҙ был көрәштә беҙҙең ни тиклем һөҙөмтәле булыуыбыҙҙы, быға технологик яҡтан ни тиклем әҙер булыуыбыҙҙы аңларға тейеш. Был ҙур, етди эш, - тине республика Башлығы Радий Хәбиров.