Атыш шарлауығында дүрт кеше юғалған

Кисә Белорет районындағы Атыш шарлауығында дүрт кеше, шул иҫәптән ике бала юғалған. Рәсәй Ғәҙәттән тыш хәлдәр министрлығы ҡотҡарыусылары уларҙы эҙләргә сыҡҡан. Асыҡланыуынса, дүрт кешенән торған төркөмгә билдәле бер ваҡытта тағы ике кеше ҡушылырға тейеш булған. Тик улар урынға килгәс, төркөмдө тапмағандар.

“Үҙ аллы эҙләүҙәр һөҙөмтә бирмәгән, шуға улар ҡотҡарыу хеҙмәтен саҡыртҡан”, – тип хәбәр итә ведомство.

Туристарҙың иҫән-һау табылыуҙарын теләйек!

Фото: видеонан скриншот.