Даирә
+16 °С
Болотло
Бөтә яңылыҡтар
Көнүҙәк
26 Апрель , 14:24

Уйҙарыбыҙ бер, эштәребеҙ ҙә шулай булһын!

Ошо көндәрҙә район башҡорттары ҡоролтайының отчет-һайлау йыйылышы үтте.

Уйҙарыбыҙ бер, эштәребеҙ ҙә шулай булһын!
Уйҙарыбыҙ бер, эштәребеҙ ҙә шулай булһын!

Уйҙарыбыҙ бер, эштәребеҙ ҙә шулай булһын!

Ошо көндәрҙә район башҡорттары ҡоролтайының отчет-һайлау йыйылышы үтте.

 

 Ҡоролтай ултырышында район ха­кимиәте башлығы Әлфир Сабиров, Мәғариф һәм фән министрлығының милли белем биреү идаралығы етәк­сеһе Илдус Ҡаһарманов, Бөтә донъя башҡорттары ҡоролтайының башҡар­ма комитеты ағзаһы Мансур Ахунов, Башҡортостан Республикаһы Дәүләт Йыйылышы - Ҡоролтайы депутаты Тимерғәле Ураҙғолов, район хакимиә­те башлығының социаль мәсьәләләр буйынса урынбаҫары Гөлнара Иҫәнба­ева һәм делегация ағзалары ҡатнашты.

Район хакимиәте башлығы Әлфир Сабиров ҡоролтай ултырышында ҡат­нашыусыларҙы сәләмләп:

- Беҙҙең район күп йылдар дауамын­да төрлө милләт һәм дин кешеләренең тыныс һәм килешеп йәшәү өлгөһө бу­лып тора. 2021 йылдағы Бөтә Рәсәй халыҡ иҫәбен алыу буйынса беҙҙә 20 меңдән ашыу башҡорт милләтле халыҡ йәшәй. Милли йәмәғәтселек ойош­малары берҙәм һәм бер төптән булып, имен һәм тыныс йәшәү өсөн тырыша, милләт-ара татыулыҡ, рух күтәренке­леге, берҙәмлек һаҡланып килә.

Илебеҙ өсөн ҡатмарлы булған мах­сус хәрби операция шарттарында рай­он халҡын яугирҙәргә, уларҙың ғаилә ағзаларына ярҙам күрһәтеү теләге тағы ла берләштерҙе. Артабан да бер йүнәлештә, татыу ғаилә булып йәшәр­гә һәм эшләргә саҡырам, - тине.

- Милләт эше – еңел эш түгел. Был эште үҙенең йөрәге ҡушыуы буйынса телебеҙ, мәҙәниәтебеҙ, йолаларыбыҙ тип яныусылар алып бара. Төп маҡсат – халыҡтың берҙәм булыуы. Беҙ үҙебеҙҙе төп аҫаба халыҡ итеп тойоп йәшәргә тейешбеҙ. Бөтә донъя башҡорттары ҡо­ролтайының VI съезына һеҙҙең район­дан да етди, үҙ проблемаларҙы күтәреп сығырҙай делегаттар һайланыр, тип ышанам, - тип һөйләне үҙ сығышында Илдус Фәнил улы.

Ул шулай уҡ райондаштарыбыҙҙы милли проекттарҙа, телде үҫтереү һәм һаҡлау буйынса гранттар конкурста­рында ҡатнашырға өндәне.

Район башҡорттары ҡоролтайын байтаҡ йылдар Илмира Әнүәр ҡыҙы Ғәлиәхмәтова етәкләй. Был дәүер эсендә ҡоролтай тарафынан «Айыҡ ауыл» бәйгеһенә лайыҡлы әҙерләнеү, мәктәптәрҙә башҡорт телен уҡытыу һәм балаларҙа милли рухты тәрбиәләү, мәҙәниәт йорттарында, балалар баҡса­ларында халҡыбыҙ йолаларын күрһә­теү буйынса төрлө саралар үткәрелде. Яҙыусылар, шағирҙар, «Ағинәй»ҙәр менән осрашыуҙар, Халыҡ-ара туған тел көнөнә бағышланған саралар, башҡортса диктант яҙыу һәм башҡа бик күп эштәр башҡарылды. Ҡоролтай рәйесе Илмира Әнүәр ҡыҙы биш йыл­лыҡ эшмәкәрлегенә ҡыҫҡаса байҡау яһаны.

- Тарих, әҙәбиәт, мәҙәниәт, мәға­риф өлкәһендәге саралар, беҙҙе уратып алған башҡорт донъяһына ҡағылыш­лы ваҡиғалар барыһы ла ауылдарҙа йәшәүсе халҡым тип янған әүҙем­селәр, «Ағинәй»ҙәр ойошмалары менән берлектә башҡарыла. Районы­быҙҙа ағинәйҙәр ҡоро етәксеһе Флүрә Самиҡова етәкселегендә ағинәйҙәр ойошмалары эшләп килә. Олокүл, Алайғыр, Бишауыл-Уңғар, Иҫке Бәпес, Үрге Төкөн ауылдарында башҡорт фольклор төркөмдәре һәр байрам са­раһын йәмләп сығыштар яһай, уларҙың ҡул эштәре, милли биҙәүестәре күр­гәҙмәләрҙе биҙәй. Һәүәләй ауылынан боронғо башҡорт кейемдәре тегеү оҫтаһы Гүзәл Искәндәрова бар республикаға билдәле милли кейем белге­се, күп бәйгеләрҙең еңеүсеһе. Күңел­дәрендә милли рухтары көслө булған, шәфҡәтле милләттәштәребеҙ Сулпан Хәлитова, Асҡар Ишберҙин, Илдус Мөхәмәтйәров, Радмир Исламов, Бай­рас Шаһиев, Радик Йөҙлөкбаевтарҙы барлап киткем килә. Улар төрлө са­раларҙа әүҙем ҡатнаша, шәфҡәтлелек менән шөғөлләнә, - тип һөйләне Ил­мира Әнүәр ҡыҙы.

Тәҡдимдәр менән сығыш яһаусы­лар араһында Табын ырыуының ҡор башы Фәрғәт Ҡотлобаев, Иҫке Муса ауыл хакимиәте башлығы Азамат Ғәй­фуллин да бар ине.

- Беҙҙең район башҡорттары та­бын ырыуына ҡарай. Ҡор башы була­раҡ, ырыуҙар тарихын барлау, аралар шәжәрәһен төҙөү, ер-һыу атамаларын, ауылдар тарихын өйрәнеү эшен дауам итергә тәҡдим итәм. «Шәжәрә», «Һа­умыһығыҙ, ауылдаштар!», йола байрамдарын үткәреүҙә әүҙем ҡатнашыусыларға рәхмәт белдерәм. Быйыл 29 июлдә Ауырғазы районына “Табын­фест”ҡа барырға ниәтләйбеҙ, делега­ция составында йәштәр күберәк булһа яҡшы булыр ине тигән теләктәмен, - тине Фәрғәт Фәрит улы.

Азамат Муса улы үҙ телмәрен­дә, йәштәр ауылда ҡалмау сәбәпле, мәктәптә балалар һаны кәмей. Был мәсьәләне хәл итеү маҡсатында, элекке интернат бинаһын төҙөкләндереп, 50- 60 балаға иҫәпләнгән мәҙрәсә асырға ниәтләйбеҙ. Унда балаларға дин дәре­стәре өйрәтеләсәк, ә төп белемде улар урындағы мәктәптә аласаҡ. Ҡарлыман­баш, Алайғыр ауылдарынан да бала­ларҙы Иҫке Бәпес мәктәбенә йөрөтөү өсөн яңы автобус бирелеүен көтәбеҙ, тип үҙ пландары менән уртаҡлашты.

Әүҙем йәмәғәтселәр шулай уҡ башҡорт теле һәм әҙәбиәтен тулы күләмдә уҡытыу, милли мәҙәниәт­те һаҡлау, ауылдарҙа кесе эшҡыуар­лыҡты үҫтереү, халыҡты спортҡа йәлеп итеү, эскелеккә ҡаршы көрәш кеүек мәсьәләләрҙе күтәрҙе. Асыҡтан-асыҡ фекер алышыу, йәнле аралашыу булды. Ҡорҙа Бөтә донъя башҡорттарының VI ҡоролтайына делегаттар һәм район башҡорттар ҡоролтайы ағзалары һайланды. Сара резолюция ҡабул итеү менән тамамланды.

Фекер алышыу

майҙансыҡтары эшләне

Йәштәр секцияһында һүҙ йәштәрҙе әүҙемләштереү, район башҡорттары ҡоролтайы ҡаршыһында йәштәр ҡо­ролтайы булдырыу һәм социаль сел­тәрҙәрҙе башҡорт телендә алып барыу тураһында барҙы.

Йәштәр менән эшләү буйынса бел­гес Виктория Истратова йәштәр менән эшләү алымдары, уларҙы конкурстарҙа һәм ярыштарҙа әүҙем ҡатнаштырырға кәрәклеге тураһында һөйләне.

Тарих-тыуған яҡты өйрәнеү музейы директоры Клара Ғәйфуллина тел һәм тарих һәр ваҡыт беренсе урында булырға тейеш, тарихын белмәгән кешенең киләсәге лә булмаҫ, тине. Ул шулай уҡ мәктәптәрҙә башҡорт телен уҡытыуҙа уҡыусыларҙы ылыҡтырырлыҡ алымдар ҡулланырға кәрәклеге тураһында ла билдәләп үтте.

Секцияла шулай уҡ социаль сел­тәрҙәрҙе башҡорт телендә алып ба­рыу мөһимлегенә баҫым яһалды. Был йәһәттән райондаштарыбыҙ Фирүзә Абдуллина, Рим Исхаҡов, Миңзилә Язғарова, Рима Сөләймәнова, Миләүшә Ғайфуллина, Әхәт Нурышевтарҙың үҙ сәхифәләрен башҡорт телендә алып барыуҙары маҡтауға лайыҡ.

Эшҡыуарлыҡ буйынса уҙғарылған секцияла районыбыҙ эшҡыуары Рад­мир Исламов эш тәжрибәһе менән ур­таҡлашты, үҙ эшен асыуға килтергән юл хаҡында бәйән итте.

“Айыҡ ауыл” конкурсы сиктәрендә уҙғарылған ултырышты район хаки­миәтенең мәғлүмәт-аналитик бүлеге начальнигы Рушания Хәмәтғәлимова йәнле әңгәмә формаһында алып барҙы. Бында һәр кем ошо тема буйынса фе­кер алышыу мөмкинлеге алды. Сығыш яһаусылар араһында күҙ йәштәре аша эскелек проблемаһын күтәреүселәр ҙә булды. Сарала ҡатнашыусы дин әһел­дәре был юҫыҡта ярҙам ҡулы һуҙырға һүҙ бирҙеләр. Һөйләшеү һүҙҙә генә ҡал­маҫ, һөҙөмтәһе булыр, тип ышанабыҙ.

 

Тимерғәле УРАҘҒОЛОВ: - Кәңәшмәлә ҡатнашыусылар менән бергә эшләнгән эштәрҙе байҡап, яңы пландар ҡорҙоҡ. Үҙем өсөн ҡоролтай эшен икенсе яҡтан астым.

Әхәт НУРЫШЕВ: - Матур осрашыу, аралашыу- һөйләшеү, маҡсаттар ҡуйыу сараһы булды. Был йәмле сарала миңә лә ҡатнашыу бәхете тейҙе. Мине, беҙҙең «Ҡырмыҫҡалы улдары һәм ҡыҙҙары» төркөмөн күп та­пҡыр телгә алдылар. Беҙҙеке кеүек төркөмдәрҙең кәрәген билдәләнеләр, маҡсаттар ҡуйҙылар. Тимерғәле Ураҙғо­лов менән яҡындан таныштым. Киләсәк съезға делегат­тар һайланылар. Улар араһында мин дә бар. Алла бирһә, сәләмәтлегем булһа, барам. Бына шулай йәмғиәт менән инвалидтар араһындағы күренмәй торған пәрҙәне яй­лап юйырға тырышам.

Нимә әйткем килә? Бар инвалидтар ҙа шулай әүҙем булһындар ине. Йәмғиәт беҙгә генә кәрәкмәй бит, беҙ ҙә йәмғиәткә кәрәк. Хөрмәт итеп ошо сараға саҡырғаны өсөн Илмира Әнүәр ҡыҙына ҙур рәхмәт!

Илдус ҠАҺАРМАНОВ: - Ҡырмыҫҡалы районының башҡорттар ҡоролтайының эшен баһалау һәм башҡарма комитет ағзаларын һайлау ултырышында ҡатнашырға на­сип булды. Шулай уҡ ултырышта быйыл көҙ буласаҡ VI Бөтә донъя башҡорттары ҡоролтайына райондан делегаттар билдәләнде.

Сара алдынан район активы менән эшҡыуарлыҡ, йәштәр сәйәсәте һәм айыҡ ауыл конкурсы хаҡында аралаштыҡ. Башҡорт теле лә ситтә ҡалманы. Ниндәй диалектта ара­лашһаҡ та, ниндәй ырыуҙан булыуға ҡарамаҫтан бөгөнгө көндә беҙгә берҙәм фронтта халыҡ мәнфәғәтенә эшләргә кәрәк. Уйҙарыбыҙ бер, эштәребеҙ ҙә шулай булһын!

 Әхәт НУРЫШЕВ: - Матур осрашыу, аралашыу- һөйләшеү, маҡсаттар ҡуйыу сараһы булды. Был йәмле сарала миңә лә ҡатнашыу бәхете тейҙе. Мине, беҙҙең «Ҡырмыҫҡалы улдары һәм ҡыҙҙары» төркөмөн күп та­пҡыр телгә алдылар. Беҙҙеке кеүек төркөмдәрҙең кәрәген билдәләнеләр, маҡсаттар ҡуйҙылар. Тимерғәле Ураҙғо­лов менән яҡындан таныштым. Киләсәк съезға делегат­тар һайланылар. Улар араһында мин дә бар. Алла бирһә, сәләмәтлегем булһа, барам. Бына шулай йәмғиәт менән инвалидтар араһындағы күренмәй торған пәрҙәне яй­лап юйырға тырышам.

Нимә әйткем килә? Бар инвалидтар ҙа шулай әүҙем булһындар ине. Йәмғиәт беҙгә генә кәрәкмәй бит, беҙ ҙә йәмғиәткә кәрәк. Хөрмәт итеп ошо сараға саҡырғаны өсөн Илмира Әнүәр ҡыҙына ҙур рәхмәт!

Гөлсәсәк АЛАСОВА,

Розалия НАЗАРОВА.

Автор фотолары.

Автор:Розалия Назарова
Читайте нас: