Даирә
+16 °С
Болотло
Бөтә яңылыҡтар
Көнүҙәк
18 Апрель , 14:39

Эшләргә теләк кенә булһын

Район Мәҙәниәт һарайының бәләкәй залы был көндө шығырым тулы ине. Бында эш эҙләүселәр йыйылғайны.

Эшләргә теләк кенә булһын
Эшләргә теләк кенә булһын

Эшләргә теләк кенә булһын

Район Мәҙәниәт һарайының бәләкәй залы был көндө шығырым тулы ине. Бында эш эҙләүселәр йыйылғайны.

Эйе, эш урындары вакансияла­ры йәрминкәһенә бик күп кеше кил­гән. Иң тәүҙә уларҙың барыһы өсөн дә бәләкәй генә йыйылыш үткәрел­де. Унда белгестәр төрлө мәғлүмәттәр менән бүлеште, үҙҙәренең кәңәштәрен бирҙе.

Район хакимиәте башлығы урын­баҫары Рәсил Исламов төрлө ярҙам ысулдары тураһында һөйләне. Шулай уҡ үҙ эшеңде асыу йәки үҙмәшғүллек менән шөғөлләнергә кәрәк тигән тәҡ­димдәр ҙә яңғыраны бында.

Әйткәндәй, халыҡ был кәңәштәрҙе хуплап ҡаршы ала һәм үҙмәшғүллек менән шөғөлләнеүселәр һаны йыл­дан-йыл арта бара. Эш эҙләү буйын­са бөгөнгө көндә 217 кеше теркәлгән. Әлеге ваҡытта районда күп кенә һөнәр эйәләре өсөн буш вакансиялар бар. Мәҫәлән, бөгөндән үк табиптар һәм башҡа медицина хеҙмәткәрҙәре, води­телдәр, уҡытыусылар һәм башҡа төрлө эш башҡарыусылар талап ителә. Ун­лаған эш биреүсе вәкилдәре ошо һәм башҡа төрлө хеҙмәт урындары тәҡдим итте.

- Мин үҙемә оҡшаған, аҡсалы ла, күңелгә лә ятҡан эш булмаҫмы икән тип белешергә килдем. Өфөнән дә эш тәҡдим итәләр бында, шуныһы яҡшы. Бәлки, мәшғүллек үҙәге аша бөгөнгө көндә талап ителгән берәй һәйбәт кенә һөнәргә уҡып алырмын тип тә уйлай­ым, - ти Ҡустығол ауылында тыуып үҫкән һәм әле Өфө ҡалаһында йәшәүсе 26 йәшлек Олеся Ғибәҙуллина.

Алайғыр ауылынан Фәнис Ғилма­нов ошоға тиклем аэропортта эшлә­гән. Ҡыҙғанысҡа, һаулығы яғынан проблемалар килеп тыуа һәм уға эшкә яраҡлы 3-сө төркөм инвалидлыҡ би­релә.

- Үҙемдең сәләмәтлеккә ярашлы эш эҙләйем. Һөнәрем буйынса иретеп йә­бештереүсемен, - ти ул.

Вакансиялар йәрминкәһенә ки­леүселәрҙең барыһы ла үҙҙәре телә­гән һөнәр буйынса эш тапҡандыр ти­гән ышаныста ҡалабыҙ. Иң мөһиме эшләргә теләк кенә булһын, башҡа яғы көйләнә ул.

Розалия БИКТИМЕРОВА.

Автор фотолары.

Автор:Розалия Назарова
Читайте нас: