Өфөлә ныҡ итеп ҡар яуа — ләкин әлегә ҡар ятмай

9 ноябрҙә киске сәғәт 8-ҙән алып 10 ноябргә киске 8-гә тиклем Өфөлә епшек ҡар һәм ямғыр яуа, көндөҙ аҙ ғына. Төндә юлдарҙа урыны менән боҙлауыҡ. Ел көнбайыштан секундына 5-10 метр тиҙлектә, ваҡыты менән секундына 16 метрға етеүе ихтимал. Һауа температураһы төндә 0° тирәһе, көндөҙ +1, +3°.

10 ноябрҙә республикала бер аҙ епшек ҡар һәм ямғыр яуыуы көтөлә. Төндә һәм иртән айырым райондарҙа боҙлауыҡ. Ел көнбайыштан секундына 5-10 метр тиҙлектә, урыны менән секундына 18 метрға тиклем. Һауа температураһы төндә -3, +2°, көндөҙ -1, +4°, тип хәбәр итә Башгидромет.

Юлдарҙа төндә һәм иртән урыны менән томан, күреү мөмкинлеге 500 метрҙан артмай. ЮХХДИ руль артында иғтибарлыраҡ булырға саҡыра.