Радий Хәбировҡа һорауыңды бир!

Башҡортостан Башлығы Радий Фәрит улы Хәбиров менән тура бәйләнешкә үҙ һорауыңды ебәр. Тура эфирҙы 27 октябрҙә 19:00 сәғәттә республиканың төп каналдары эфирында һәм төбәк етәксеһенең социаль селтәрҙәге сәхифәләрендә ҡарарға мөмкин.

Һорау ебәреү өсөн ике ысул бар:
- Башҡортостан Башлығы Радий Хәбировтың социаль селтәрҙәге сәхифәһендә комментарий ҡалдырырға мөмкин (vk.com/radiyhabirov, ok.ru/radiyhabirov);
- шулай уҡ glavarb.ru сайты аша видеоһорау ебәрергә була.

Һорауҙы видеояҙма форматында ебәрер өсөн Дәүләт хеҙмәттәре сайтында теркәлеү мөһим. Артабан glavarb.ru сайтына инергә, "Дәүләт хеҙмәттәре. Бергәләп хәл итәбеҙ” тигән виджитты табырға, "Проблема тураһында хәбәр итергә" тигән пункты һайларға кәрәк. Асылған форма буйынса видеоһорауҙы беркетегеҙ, һеҙҙең һорауға бәйле бүлекте һайлап, бөтә юлдарҙы тултырығыҙ.

Видеоһорауға талаптар:

Яҙманы телефондан ебәргәндә, оҙонлоғо - бер минуттан, файлды компьютер аша беркеткәндә ауырлығы 10 мегабайттан артмаһын.
Видеоны бина эсендә төшөргән осраҡта, бүлмә яҡты булырға, һорау биреүсенең йөҙө асыҡ күренергә тейеш.
Видеоны горизонталь рәүештә төшөрөргә, яҙма сифатлы булһын өсөн, камера һелкенмәҫкә тейеш.
Видеояҙма урамда төшөрөлһә, һорау биреүсенең тауышы ишетелеүен мотлаҡ тикшерегеҙ.
Һорау бирер алдынан исем фамилияғыҙҙы һәм ҡайҙа йәшәүегеҙҙе, иң аҙаҡта был һорауҙың Радий Хәбиров менән тура бәйләнешкә ебәрелеүен әйтеп үтергә онотмағыҙ.