Иғтибар! Аномаль эҫе килә!

Был турала Рәсәй Ғәҙәттән тыш хәлдәр министрлығының Башҡортостан буйынса Баш идаралығы иҫкәртә. Башгидрометео үҙәгенән хәбәр итеүҙәре буйынса, иртәгә, 12 апрелдә республикала урыны менән аномаль эҫе һауа торошо көтөлә. Һауа температураһы норманан 7-10 градусҡа йылыраҡ буласаҡ. Ошо сәбәпле һыу батыуы хәүефе лә бермә-бер арта.

Дөйөм алғанда, һауа торошо ҡоро буласаҡ, төньяҡта бер аҙ ямғыр яуыуы ихтимал. Төньяҡ-көнсығыштан талғын ел иҫәсәк. Төндә 0, +5, көндөҙ +12,+17 градус йылы буласаҡ.

Рәсәй Ғәҙәттән тыш хәлдәр министрлығының Башҡортостан буйынса Баш идаралығы телефоны 8(347) 233-99-99. Әгәр хәүефле хәлдә ҡалһағыҙ йәки ҡотҡарыу сараларына бәйле мөһим мәғлүмәт әйтергә теләһәгеҙ, 01, 101 телефондарына шылтыратығыҙ. Бөтә ашығыс хеҙмәттәрҙең берҙәм номеры – 112.

Фото: pxhere.com