+2 °С
Болотло
Бөтә яңылыҡтар
10
Көнүҙәк
24 Февраль 2021, 10:27
Иғтибар: юлдар ябылды!
Һауа шарттарының насарайыуына бәйле, республика әһәмиәтендәге Магнитогорск – Ира юлының 84-000 – 89-900, 97+300 – 156+100 километрындағы участкаларында, муниципаль әһәмиәттәге Сермән – Амангилде – Баймаҡ юлының 101+800 – 183+200 километрындағы участкаларында, Сибай – Хәлил юлының 0+000 – 41+100 километрҙағы участкаларында бөтә төр транспорт саралары өсөн ваҡытлыса сикләү индерелде.
Был сикләү 24 февраль иртәнге сәғәт 9-ға тиклем (урындағы ваҡыт) көсөндә ҡала.
Алдан хәбәр итеүебеҙсә, бөгөн республиканың күп райондарында буран ҡотора, юлдарҙа - һырынты, күреү мөмкинлеге лә насар.
Хәбәр итеүҙәренсә, ошо хәл-торошҡа бәйле, Сибай ҡалаһында, Баймаҡ һәм Әбйәлил райондарында Рәсәй Ғәҙәттән тыш хәлдәр министрлығының өс янғын-ҡотҡарыу оператив төркөмө эшләй. Йылыныу өсөн 18 стационар пункт ойошторолған. Егерме кеше һыйҙырышлы мобиль йылыныу пункты ла эшләй.
Автомобиль юлдарын таҙартыуға 48 кеше һәм 48 берәмек техника йәлеп ителгән. Сикләү ҡағиҙәләре үтәлешен ЮХХДИ хеҙмәткәрҙәре күҙәтә. Шулай уҡ Рәсәй Ғәҙәттән тыш хәлдәр министрлығы Башҡортостан буйынса Баш идаралығы начальнигының беренсе урынбаҫары Эдуард Иҙрисов етәкселегендә оператив штаб эшләй.
Ведомство иҫкәртә: мохтажлыҡ булмаһа, юлға сығыуҙан ҡырҡа тыйылығыҙ.
Фото: скриншот.
Автор: Рәмилә Мусина
Читайте нас: