Мерәҫтә лә парад уҙҙы

Парад ветеранға килә” акцияһы сиктәрендә үткән сарала район хакимиәте вәкилдәре һәм ветерандың балалары, ейән-ейәнсәрҙәре ҡатнашты. Әйткәндәй, Хажғәле олатай күптән түгел үҙенең 95 йәшен билдәләгән.

Ветеран фронт юлын 214-се уҡсылар дивизияһының 776-сы уҡсылар полкы составында Харьков-Кременчуг йүнәлешендә башлай һәм артабан Беренсе һәм Икенсе Украина фронттарында хеҙмәт итә. Курсинск, Садомир, Яссы-Кишинев операцияларында, Украинаның Полтава, Кременчуг, Каменка, Александрия, Новгород, Знаменка, Кировоград, Новоукраинка, Ананьев, Ольша, Молдавияның Рыбница, Бельцы ҡалаларын фашист ғәскәрҙәренән азат итеүҙә ҡатнаша. Днепр, Көньяҡ Буг, Днестр, Висла, Эльба, Влтава йыл­ғаларын кисә. Бөйөк Еңеүҙе Чехословакияның Прага ҡалаһында ҡаршылай.

Ҡатыны менән өс балаға ғүмер бүләк итә. Бөгөн ул ҡыҙы Рәмзиә һәм кейәүе Таһир менән бергә йәшәй. Бәхетле ветерандың 12 ейән-ейәнсәре, һигеҙ бүлә-бүләсәре бар.

Утты-һыуҙы кисеп, йәшәү хаҡына ауыр фронт юлын үткән ветерандың тик бер генә теләге бар: “Донъялар имен торһон, башҡаса бер ваҡытта ла һуғыш булмаһын!”

"Берҙәм Рәсәй" партияһы һәм "Еңеү ирекмәндәре" Бөтә Рәсәй йәмғиәте тарафынан тормошҡа ашырылған проект буйынса ҙур экранлы кеҫә телефондары менән Баймаҡ районының йәнә дүрт ветераны бүләкләнде.

Фото: Зөлхизә Хәсәнова.

https://rbsmi.ru/work/frontend/web/issue-map/update/336113