Мортаза Рәхимов та коронавирус йоҡторғанмы?

Коронавирустың мәкерле сир икәнлеген бөтәбеҙ ҙә аңланы. Ул бер кемде лә аямай. Бөгөн республиканың ҡайһы бер матбуғат сараларында был инфекция менән Башҡортостандың беренсе президенты Мортаза Рәхимовта та сирләй башлаған тигән хәбәр таралды. Белдерелеүенсә, Мортаза Ғөбәйҙулла улы әлеге ваҡытта дауаханала ята. Табиптар уны бик иғтибарлап тикшерә һәм ҡарай. Уның хәле ауыр түгел тиелә.

ProUfu баҫмаһы Мортаза Рәхимов менән бәйләнешкә ингән һәм сирләүе тураһында үҙенән һорашҡан. Мортаза Ғөбәйҙулла улы белдереүенсә, ул ысынлап та икенсе көн дауаханала ята, тик COVID унда теркәлмәгән.

Баҡһаң, беренсе президент күреү һәләте буйынса дауалана икән. Унда ОРВИ симптомдары булған өсөн, талаптарға ярашлы, коронавирусҡа ла анализ алғандар. Һөҙөмтә буйынса, унда был инфекция юҡ. Компьютер томографияһы иһә унда пневмония билдәләре булыуын күрһәткән, тик ул үтеп киткән тиерлек.

- Температурам юҡ, үҙемде яҡшы тоям, - тигән Мортаза Ғөбәйҙулла улы телефон аша.

Икенсе көн рәттән уға бөтәһе лә шылтыратып хәлен белешә икән. Башҡортостан Башлығы Радий Хәбиров та шылтыратҡан, уға күстәнәскә ҡымыҙ, емеш-еләк ебәргән.

- Виноградты бик ашамайым мин, нығыраҡ картуф яратам, ә бына ҡымыҙын ихлас эсәм. Радий Фәрит улына хәстәрлеге өсөн рәхмәт. Башҡа шылтыратҡан һәм мине ҡайғыртҡандарға ла рәхмәт. Барыһына ла һаулыҡ теләйем!, - тигән ул.

1993 йылдан алып 2010 йылға тиклем Башҡортостан Президенты булған Морзата Рәхимовҡа 86 йәш тулды. Уға ныҡлы һаулыҡ теләйбеҙ. Тиҙерәк һауығып сыҡһын!

Фото: yandex.ru

Автор: Альфия Мингалиева.

https://rbsmi.ru/work/frontend/web/issue-map/update/309919

Читайте нас:

Телефон

8(34765) 2-32-85

Электрон почта

[email protected]

Адресы

РБ Кармаскалинский район, с. Кармаскалы, переулок Речной , 7

Реклама хеҙмәте

83476523285

Редакция

83476523266

Ҡабул итеү бүлмәһе

83476523285

Хеҙмәттәшлек

83476523285

Кадрҙар бүлеге

83476523266