Ирекмәндәрҙең үҙ “йорто” буласаҡ

“Һеҙҙең ауыр хеҙмәт­тән ныҡ арығанлы­ғы­ғыҙ­ҙы яҡшы аңлайым. Бик ҙур хеҙмәт күрһәт­тегеҙ, ике йөҙ меңгә яҡын кеше һеҙ­ҙең ҡулдан ярҙам ал­ды. Әгәр ҙә беҙ был мөһим эште туҡтатһаҡ, хәлдең ҡатмарланыуы мөмкин”, – тип, ул тиҙлекте һүл­пәнәйтмәүҙе, июнгә тиклем эште әлегеләй дауам итеүҙе һораны.

Фекер алышыуҙа Ирек­мәндәр үҙәктәре ассоциа­цияһы советы рә­йесе Артем Метелев, Ҡыр­ғыҙстан һәм Ҡаҙағс­тан илдәре ирекмәндәре ҡатнашты. Республика етәксеһе эпи­демияның барыбыҙ өсөн ныҡлыҡҡа һынау булыуын һәм ирек­мәндәр хәрә­кәтенең уны лайыҡлы үтеүен билдә­ләп, ярҙам күрһәтеү­селәрҙең дә һау­лығын юғалтыу осраҡ­тары булыуы тураһында әйтте.

Яҡшы хәбәр ҙә яңғы­раны – ирекмәндәрҙең үҙ “ҡыйығы” буласаҡ! Радий Хәбиров был эштең хәл ителә башлауын белдерҙе.

Өфөләге 2-се балалар поликлиникаһы педиатры коронавирус йоҡтор­ған балаларҙы дауалау, ирек­мән булараҡ ниндәй ярҙам сараһында ҡатна­шыуын һөйләне. Автосалон етәк­се­ләренең нисек ирекмән булып китеү­ҙә­рен, хеҙмәт­кәрҙәрен юғалт­мау өсөн ниндәй көс һалыуҙарын һөйләп, Андрей Шмергельский республика етәксеһенә ирек­мәндәр хәрәкәтенә яҡшы баһа биргәне өсөн рәхмәт әйтте.

Йылылыҡ бөркөлөп торған асыҡ һөйләшеүҙә үҙ фекерен белдереүселәр байтаҡ булды. Шулай ҙа иң мөһим һүҙҙе республика етәксеһенән ишеттек. Ирекмәндәрҙең хо­ҡуҡ­тарын нығытыу, улар­ҙың сәләмәтлеген, ғү­мерен страховкалау мәсь­ә­ләһен күтәреп сыҡты ул. Осра­шыуҙа яңғыраған тағы бер тәҡдим менән дә бүле­шәһе килә – киләһе йыл­ды ирекмәндәргә йә­ки табиптарға, ҡыҫҡаса әйт­кән­­дә, ниндәйҙер изге эш­кә арнау кәрәклеге яңғы­раны.

Тағы бер шәп яңылыҡ – Өфөлә Евразия ирек­мәндәр форумы уҙға­рыласаҡ.

“Август-сентябрҙә Өфө­лә бөтә Евразия киң­леге илдәренән делегациялар ҡатнашлығында ирек­мәндәрҙең форумын йәки слетын үткәрәйек, – тине республика Баш­лығы. – Йәштәр тәжрибә ур­таҡ­лашһын, әңгә­мә­ләш­һен, хеҙмәттәшлек ту­раһын­дағы меморан­дум­дарға ҡул ҡуйһын. Иманым камил, беҙгә бер-беребеҙҙән өйрәнәһе нәмәләр етерлек!”