+24 °С
Ямғыр
Иманлы булһын уйығыҙ
10 Ноябрь 2025, 16:09
Мең изгелеккә тиң зикер
Сәғд ибн Әби Үәҡҡас исемле сәхәбә (Аллаһ унан риза булһын) шулай тигән: "Бер ваҡыт беҙ Аллаһ рәсүленең ﷺ янында булғанда, ул ﷺ: — Берәйегеҙ һәр көн һайын мең яҡшы эш эшләй аламы? — тип һораны.
Мең изгелеккә тиң зикер
— Кеше нисек көнөнә мең яҡшы эш эшләй алһын? — тине шунда ултырыусыларҙың береһе.
— Әгәр ул, "сүбхәнәЛлаһ", тип йөҙ тапҡыр әйтһә, уға шуның өсөн мең изге эш яҙыласаҡ. Йә иһә мең гонаһы алып ташланасаҡ, — тип яуапланы Пәйғәмбәр ﷺ".
Мөслим йыйынтығынан, сахих хәҙис.
Иғтибар: бында һүҙ — бәләкәй гонаһтар тураһында. Ҙур гонаһтар өсөн айырым тәүбә кәрәк.
"СүбхәнәЛлаһ" зикеренең мәғәнәһе:
"Аллаһ бар кәмселектәрҙән пак!"
