Намаҙҙарҙы нисек ҡыҫҡартырға?

Әгәр хәнәфи мәҙһәбе менән ҡараһаҡ, әгәр 15 көндән артығыраҡ тороу ниәте бар икән, намаҙҙарҙы тулыһынса уҡығыҙ. Унан кәмерәк булһа ҡыҫҡартһағыҙ ярай.

Ҡыҫҡартҡан хәлдә лә һәр намаҙҙы үҙ ваҡытында уҡығыҙ - башҡа мәҙһәбтәрҙә ике намаҙҙы (өйлә һәм икенде, аҡшам һәм йәстү) ҡушып уҡыу ҡаралһа ла хәнәфи мәҙһәбендә юҡ.

Нәфел намаҙға килгәндә күпме теләйһегеҙ шунса уҡый алаһығыҙ, ә 5 намаҙҙың сөннәттәрен мосафир хәлендә ҡылмайһығыҙ.

Әгәр өйөгөҙҙән (ауылығыҙҙан) йыраҡ ергә сығып китәһегеҙ икән мосафир һаналаһығыҙ.

Хәнәфи мәҙһәбендә 80 - 90км., әммә хәҙистәрҙә арауыҡ оҙонлоғо иҫкә алынмай, был урындағы ғөрөфкә, юлда күргән мәшәҡәт-ауырлыҡтарға ҡайтып ҡала.

Шулай ҙа ҡушып уҡыуға килгәндә, берәй ҡыйынлыҡ килеп сыҡһа ике намаҙҙы бер ваҡытта уҡыһағыҙ була, сөнки хәҙистәрҙә хатта мосафир булмаған саҡта ла намаҙҙарҙы ҡушып уҡыу ҡаралған.

Башҡорттарға дин!