+21 °С
Болотло
Иманлы булһын уйығыҙ
2 Июнь 2023, 09:29
Сихырҙан һаҡлаусы доғалар
Был аят һәм зикерҙәр – уларҙы ихластан Аллаға ышанып һәм тәүәккәл ҡылып уҡыған кешеләр өсөн сихырҙан һаҡланыу. Был шулай уҡ, һәр ваҡыт Раббыбыҙға доға ҡылып ялбарған осраҡта, сихыр һәм боҙом зарарын бөтөрөү сараһы ла булып тора.
Сихырҙан һаҡлаусы доғалар
Бәйғәмбәребеҙ ғәләйһис-сәләм:
“Әгәр кеше «Бәҡара» сүрәһенең аҙаҡҡы 2 аятын уҡыһа, улар уны барлыҡ яманлыҡтарҙан тыйып ҡалырҙар”, – тип әйткән.
- Көндөҙ һәм төндә һәр ваҡыт әлеге доғаны уҡырға кәрәк:
«Әғүүҙү бикәлимәәтил-ләәһит-тәәммәәти мин шәрри мәә халәҡ».
Мәғәнәһе: «Аллаһ барлыҡҡа килтергән барлыҡ яманлыҡтан Уның камил һүҙҙәре менән һыйынам».
Был һүҙҙәрҙе юлда һәм берәй өйҙә туҡтағанда ла әйтергә кәрәк. Бәйғәмбәребеҙ саләллаһу ғәләйһис-сәләм әйткән: , «Юлда йәки берәй өйҙә туҡтағас, , «Алла барлыҡҡа килтергән барлыҡ яманлыҡтарҙан Уның камил һүҙҙәре менән һыйынам» , – тип әйткән кешегә юлға ҡуҙғалғансы бер нәмәлә зыян килтерә алмаҫ.
- Иртән һәм кисен өс тапҡыр түбәндәге доға уҡыла :
«Бисмилләәһил- ләҙии ләә йадурру мәғәсмиһи шәй-үн фил-арди үә ләә фис-сәмәәә-и үә һүәс-сәмииғул –ғәлиим».
Мәғәнәһе: «Аллаһ исеме менән, Уның исеме менән ерҙә лә, күктә лә һис нәмә зарар килтерә алмай. Сөнки Ул – һәр нәмәне ишетеүсе, Белеүсе».
Яман уйлы кешеләрҙән, насар күҙҙәрҙән һаҡланыу өсөн һәр көндө "Фатиха", "Аятел -көрси", "Ихлас", "Нәс", "Фәләк" сүрәләрен уҡып, үҙегеҙҙе өшкөрөгөҙ.
