Ҡөръән менән бер рәттән музыка уйнаған ифтарҙарҙа яҡшылыҡ бармы?

Ифтарҙарығыҙҙан бөтә донъяға байрам яһамағыҙ. Кәйеф-сафа, күңел асыу саралары эшләмәгеҙ. Ифтарҙың төп мәғәнәһен үҙгәртмәгеҙ. Кемегеҙҙең өҫтәле мулыраҡ, байыраҡ, байрамы масштаблыраҡ тип ярышмағыҙ. Ифтарҙың мәғәнәһе ашҡаҙандар тултырыу, селфи эшләп инстаграмға һалыу түгел. Ифтарҙың мәғәнәһе ауыҙ асыуҙа, доға ҡылыуҙа, һәр йотом һыу һәм тәғәм ризыҡтың ҡәҙерен белеүҙә, Аллаһҡа шөкөр ҡылыуҙа һәм рухи яҡтан байыуҙа.

Ҡөръән менән бер рәттән музыка уйнаған ифтарҙарҙа яҡшылыҡ бармы?
Рөхсәт ителгән һәм тыйылған ғәмәлдәр ҡушылыуында яҡшылыҡ бармы?

Ниәттәрегеҙҙе таҙартығыҙ, үҙегеҙҙең һәм башҡаларҙың ризалығы өсөн тырышмағыҙ, Аллаһ ризалығы өсөн тырышығыҙ. Уның ризалығы беренсе урында булырға тейеш.

Рамаҙандың һанаулы ғына көндәре ҡалды. Аллаһ Тәғәлә беҙҙең йөрәктәребеҙҙе үҙгәртһен, нәфсе ҡотҡоһонан таҙартһын, хаҡ юлды хаҡ итеп күрһәтһен, тура юлынан алып барһын һәм гонаһтарыбыҙҙы ғәфү итһен. Амин.

Эвита Гайнет.

Иманлы ғаилә