Көнөнә нисә тапҡыр тәүбә итергә кәрәк?
ТӘҮБӘ ҠЫЛЫУ
Тәүбә ҡылыу – ул гөнаһтарыбыҙ, хата-кәмселектәребеҙ өсөн Аллаһтан ғәфү итеүен һорау.
Уның иң ябай, әммә иң сауаплы ЫСУЛЫ әлеге һүҙҙәр:
استغفر الله العظيم و اتوب اليه
Әстәгъфируллаһүл-газ̣ыйм вә әтүбү иләйһи.
Бөйөк Аллаһтан гөнаһтарымды ғәфү итеүен һорайым.
Мөхәммәд салләллаһу галәйһи вә сәлләм әлеге һүҙҙәрҙе көнөнә 100 МӘРТӘБӘ әйткән. Күҙ алдыбыҙға килтерәйек, ЕР ЙӨҘӨНӘ РӘХМӘТ БУЛАРАҠ ебәрелгән, хата-кәмселектәрҙән йыраҡ булған кеше был һүҙҙәрҙе КӨНӨНӘ 100 ТАПҠЫР әйткән. Ә беҙ нисә тапҡыр әйтергә тейеш икән?!
Тәүбә ҡылыуҙың ИКЕ ШАРТы бар. Улар:
1. Тәүбә ҡылған кеше гөнаһтары өсөн ИХЛАСтан үкенергә тейеш.
2. Ул Аллаһтан ҡурҡып, гөнаһ ҡылыуҙан туҡтарға һәм уларға башҡа ҠАЙТМАҪҠА, йәғни уларҙы ҡылмаҫҡа тейеш. Тәүбә ҡылыуҙың махсус НАМАҘы ла бар.