Кемдер киреһенсә, барығыҙ әүлиә ерләнгән тауҙа доғалар ҡылығыҙ, Аллаһы Тәғәлә биргән һыуҙа ҡойоноп, бер аҙ бисмиллалап үҙегеҙгә алып ҡайтығыҙ, тиҙәр.
Шул урында Ишморат хәҙрәт Хәйбуллиндың: Милләттәштәр, ағай-эне! Хаталанмағыҙ! Нарыҫтауҙа ҡылынған эш Ислам диненән түгел! Был тау өҫтөндә ҡоролған бина алынырға тейеш! Иманыбыҙҙы «сәхәбәләр рухы» түгел, ә Аллаһы Тәғәлә китабы Ҡөрьән һәм Мөхәммәт пәйғәмбәр (صلى الله عليه وسلم) Сөннәте генә арттырасаҡ. Изге эш – ул бик икеле ҡәберлектә ярамаған «ғибәҙәт»тәр ҡылыу түгел, ә Аллаһы Тәғәлә ҡушҡан эштәрҙе үтәү – көнөнә биш намаҙ ҡылыу, зәкәт биреү, Рамаҙан айында ураҙа тотоу, Мәккәгә (Мәккәгә, Нарыҫтауға түгел!) хаж ҡылыу. Бынан тыш та Ислам дине ҡушҡан күп эштәр бар, күбебеҙ уларҙы белмәй – тимәк, дини белемдәребеҙҙе арттырыу кәрәк. Был һүҙҙәрҙе һеҙгә еткерҙем, Ҡиәмәт көнө бер-беребеҙ алдында хаҡыбыҙ ҡалмаһын, тигән һүҙҙәрен дә килтерәм.