Яугир Һарт-Науруз ауылында тыуған. Прибельский мәктәбендә 11-се класҡа тиклем белем ала. Тырыш, уңған егет мәктәп тормошо менән ҡайнап йәшәй. Күп тиҫтерҙәре кеүек бәләкәйҙән спорт ярата, үҙен төрлө яҡлап сыныҡтыра. Бигерәк тә саңғы һәм еңел атлетиканы үҙ итә ул. Өлгөргәнлек аттестатын ҡулына алған егет күп уйлап тормай артабан яҙмышын Рәсәй Ҡораллы көстәре менән бәйләй. Егет контракт буйынса хеҙмәтте һайлағанына һис үкенмәй. 2015 йылда Смоленск ҡалаһының хәрби һауа оборонаһы академияһына уҡырға инә һәм 2016 йылда Рәсәй Оборона министрлығы менән контракт төҙөй. Егет кешегә етмеш төрлө һөнәр ҙә аҙ, тигәндәй, хәрби академияла хәрби һәм гражданлыҡ белеме ала. Шулай итеп махсус радиотехник системалар инженеры һәм хәрби хеҙмәттә радиолокация системаларын файҙаланыу буйынса белгес һөнәрҙәрен үҙләштерә.
Махсус хәрби операция башланғас хәрби йөк ташыуҙы ойоштороу менән шөғөлләнә. 2024 йылдан махсус хәрби операция биләмәһендә Запорожье мотоуҡсылар полкында гранатомет взводы командиры вазифаһында ҡатнаша. Тырыш, намыҫлы һәм хеҙмәтенә яуаплы ҡараған яугирҙе полктың һауа оборонаһы начальнигы итеп тәғәйенләйҙәр. Параллель рәүештә самолет һәм квадрокоптер тибындағы пилотһыҙ системалар инструкторы ла була.
“Аргон” әлеге ваҡытта Алыҫ Көнсығыштағы полигонда пилотһыҙ осоу аппараты взводына контракт буйынса хеҙмәт итеүгә хеҙмәткәрҙәр һайлап алыу менән шөғөлләнә.
Фирүзә РӘХМӘТУЛЛИНА.
Махсус хәрби операция башланғас хәрби йөк ташыуҙы ойоштороу менән шөғөлләнә. 2024 йылдан махсус хәрби операция биләмәһендә Запорожье мотоуҡсылар полкында гранатомет взводы командиры вазифаһында ҡатнаша. Тырыш, намыҫлы һәм хеҙмәтенә яуаплы ҡараған яугирҙе полктың һауа оборонаһы начальнигы итеп тәғәйенләйҙәр. Параллель рәүештә самолет һәм квадрокоптер тибындағы пилотһыҙ системалар инструкторы ла була.
“Аргон” әлеге ваҡытта Алыҫ Көнсығыштағы полигонда пилотһыҙ осоу аппараты взводына контракт буйынса хеҙмәт итеүгә хеҙмәткәрҙәр һайлап алыу менән шөғөлләнә.
Фирүзә РӘХМӘТУЛЛИНА.