«Бал ҡорто»нда - кескәй шайморатовсылар

Сараға 2-се Ҡырмыҫҡалы мәктәбенең Шайморатов кла­сы (8-се “б”) уҡыусылары һәм махсус ҡунаҡ - махсус хәрби операцияла ҡатнашыусы, әле­ге ваҡытта ялда булған “Яр­мух” позывнойлы яугир саҡы­рылғайны.

Дәүләт флагтарын күтәреү Тыуған илебеҙҙең ысын һаҡсы­лары – махсус хәрби операци­яла ҡатнашыусыларҙың бала­лары Аяз Бикмәтовҡа, Рианна Вәлиеваға һәм Светлана Рәх­мәтуллинаға тапшырылды. Кескәй “шайморатовсылар” балалар баҡсаһының педагог­тары менән бергә сараға ҙур яуаплылыҡ менән әҙерләнгәй­не: балалар шиғырҙар һөйләне, сафта йөрөнө, башҡорт һәм рус телдәрендә “Шайморатов ге­нерал” йыр-гимнды башҡарҙы, Тыуған илдең лайыҡлы ке­шеләре, патриоттары булыу өсөн ант бирҙе. Сара барышын­да Тимур Руслан улы Батталов етәкселегендәге Шайморатов класы уҡыусылары балалар баҡсаһы тәрбиәләнеүселәренең түштәренә билдәләр таҡты.

- Халҡыбыҙ һәр саҡ үҙенең ҡаһарманлығы менән дан алған. Илебеҙҙе фашист илбаҫарҙа­рынан азат итеү өсөн олатай­ҙарыбыҙ еңеү өсөн ғүмерҙәрен бирә. Бөгөнгө көндән һеҙҙең төркөм Рәсәй Геройы, гене­рал-майор, 112-се Башҡорт кава­лерия дивизияһының легендар полководецы Миңлеғәле Шай­моратовтың исемен йөрөтәсәк. Илебеҙҙең патриотын Башҡор­тостанда белмәгән кеше юҡтыр. Хәҙер һеҙ батырҙың исемен ғо­рур йөрөтәсәкһегеҙ. Һеҙгә ҡарап башҡалар өлгө аласаҡ. Был исемгә лайыҡлы булығыҙ! – тине балалар баҡсаһы тәрбиәсеһе На­талья Йәрмөхәмәтова.

Кескәйҙәр был исемде ғо­рурлыҡ менән йөрөтөр һәм ле­гендар комдивдың иҫтәлеген һаҡлап, илебеҙҙең патриоттары булып үҫерҙәр, тип ышанабыҙ.

Сара аҙағында йәш “шаймо­ратовсылар”ҙы балалар баҡсаһы мөдире Әлфинә Дилмөхәмәто­ва, райондың мәғариф бүлеге методисы Лена Бикҡужина ҡот­ланылар һәм был исемгә лай­ыҡлы булыуҙарын теләнеләр.

Фәниә СӘЛИМГӘРӘЕВА.

Автор фотоһы.