Еңеүгә өлөш индерәләр

Еңеүгә өлөш индерәләр

Үрге Төкөн ауылы халҡы ла был эшкә дәррәү тотондо. Улар бик күп тапҡырҙар яугирҙәргә кейем-һалым, медикаменттар һәм башҡа кәрәк-яраҡ тауарҙар, аҙыҡ-түлек әҙерләп, посылка­лар ебәрҙеләр. Күңел йылыһын һалып, күҙ нурҙарын ҡушып, үҙ ҡулдары менән бәйләгән бей­әләйҙәр, ойоҡбаштар, бешергән бауырһаҡтар ҙа был посылка­ла урын алды. Шулай уҡ ауыл­даштар һалдаттарыбыҙға бө­гөнгө көндә иң кәрәкле булған маскировка селтәре үреү эшен дә яйға һалдылар. Көн дә ауыл клу­бына йыйылып, ҡатын-ҡыҙҙар бер нисә сәғәт ваҡыттарын сел­тәр үреүгә бағышлай.

- Еңеүҙе яҡынайтыр өсөн тыл ышаныслы булырға тейеш. Аҙ булһа ла ярҙам итәйек, тип тырыша ауылыбыҙ халҡы. Яу­гир яҡташтарыбыҙға кәрәк әй­берҙәр алыу өсөн аҡса йыйыуҙа ҡатнашҡан, ваҡыт табып селтәр үрергә килгән ауылдаштарым­дың барыһына ла оло рәхмәт белдерәм. Миңнира Байғусҡа­рова, Зифа Көҫәпҡолова, Мө­нирә Ғүмәрова, Райхана һәм Нурсилә Сурбаевалар даими рәүештә башалтай-бейәләйҙәр бәйләп килтереп тора, ә Әнисә Аҙнабаева һалдаттарға үҙенең тәмле бауырһаҡтарын бешереп ебәрә. Башҡа ауылдаштарым­дың да һәр береһе ҡулынан кил­гәнсе ярҙам итергә ашыға. Изге эштәрегеҙҙең сауаптары үҙегеҙгә лә меңләтә әйләнеп ҡайтһын. Мобилизацияланған ауыл­дашыбыҙҙың һәм барлыҡ башҡа яугирҙәребеҙҙең тиҙ арала еңеү менән тыуған яҡтарына имен- һау әйләнеп ҡайтыуҙарын бөтә йөрәктән теләйбеҙ, - ти Үрге Төкөн ауылы мәҙәниәт йорто­ноң мәҙәни ойоштороусыһы Айгөл Хәмитова.

Оло эш башҡараһығыҙ, яҡташтар! Изге эштәрегеҙ уң булһын, изге теләктәрегеҙ тормошҡа ашһын!