Өмөтбаев бүләһе – ҡыйыу яугир

Бөгөн шундай егеттәрҙең береһе – Ибраһим ауылында тыуып үҫкән арҙаҡлы яҡташыбыҙ, мәғрифәтсе шағир, йәмәғәт эшмәкәре Мөхәмәтсәлим Өмөтбаевтың бүләһе тураһында бәйән итмәксебеҙ.

Үҙенә үҙенсәлекле “Кабарга” позыв­нойын һайлаған яугир Бишауыл-Уңғар ауылында тыуып үҫкән. Өфөләге мәктәптә белем алғас, ашнаҡсы һөнәрен үҙләштер­гән. Ғаиләһе менән Ҡабаҡ ауылында төпләнгән.

Быйыл август айында яҡташыбыҙ үҙ теләге менән РФ Оборона министрлығы менән контракт төҙөп, махсус хәрби опе­рацияға юллана. Ҡыҙғанысҡа, яу ҡырында ауыр яра алған яҡташыбыҙға оҙаҡ ҡына Мәскәү госпиталендә дауаланырға тура килә. Әлеге көндә ул ғаиләһе янында ял итә һәм тағы ла сәләмәтлеген нығытырға барасаҡ.

- Илебеҙгә оло бәлә килгәндә, бик күп яҡташтарым яу ҡырында булғанда, мин дә ситтә ҡала алманым һәм бер һүҙһеҙ махсус хәрби операцияға барырға ҡарар иттем, - ти яугир үҙенең ныҡлы ҡарары хаҡында.

- Уның бер туған ҡустыһы ла ағаһы ар­тынан сентябрҙә махсус хәрби операцияға китте. Әлеге көндә ул да яраланып, госпи­талдә дауалана, - ти “Кабарга”ның Би­шауыл-Уңғар ауылында йәшәүсе өләсәһе Динә Мөлҡаманова.

Яҡташыбыҙҙың үҙенсәлекле позыв­нойы “Ҡабырға” һүҙенән алынғандыр тип фараз итеп, ни өсөн бындай исем һайлауы менән ҡыҙыҡһындыҡ. Баҡһаң, бөтөнләй икенсе мәғәнә аңлата икән.

- “Кабарга” – ул бик етеҙ хәрәкәт итеүсе боландың бер төрө, - тип аңлатты беҙгә был турала яугир.

Эйе, яуҙа ҡыйыулыҡ ҡына түгел, шу­лай уҡ етеҙлек тә талап ителә. Шуға күрә яҡташыбыҙ үҙенә лайыҡлы позывной һай­лаған тигән һығымта ла яһап ҡуйҙыҡ.

Бөгөнгө көндә махсус хәрби операция биләмәһендә илебеҙ именлеген һаҡлаған ошондай илһөйәр, ҡыйыу, рухлы, Вата­ныбыҙға тоғро бөтә яугирҙәр ҙә иҫән-һау тыуған яҡтарына еңеү менән әйләнеп ҡай­тырҙар тигән ҙур өмөттәр менән йәшәй­беҙ. Ил-йортобоҙ имен торһон, донъяла­рыбыҙға тиҙерәк тыныслыҡ ҡайтһын.

Хәтерегеҙгә төшөрәбеҙ, республика халҡы махсус хәрби операция зонаһын­да хеҙмәт итеү өсөн РФ Оборона мини­стр¬лығы менән контракт төҙөһә, бер та­пҡыр 505 мең һум аҡса аласаҡ. РФ Оборона министрлығы түләүҙәре (400 мең һум) һәм райондан (100 мең һум) контракт төҙөгән­дә түләүҙәр 1 миллион һумға артты.

Контракт хеҙмәтенә бәйле һорауҙар буйынса 2-14-78, 2-11-58 телефондары буй­ынса шылтырата йәки Ҡырмыҫҡалы һәм Архангел райондары буйынса хәрби комисса­риатҡа килергә мөмкин.