Бер ғаиләнән - ике яугир

Ғаиләлә өс ул - өс баһадир үҫә. Уларҙың һәр береһе тыуыу менән ата-әсә Ватан һаҡсылары донъяға килде, тип бик һөйөнә. Ысынлап та шулай була: тәүге улдары икһеҙ-сикһеҙ диңгеҙ киңлектәрендә моряк булып хеҙмәт итһә, икенсеһенә Чечня һуғышын күрер­гә тура килә. Ә өсөнсө улдары билдәле сәбәптәр буйынса армияла хеҙмәт итмәй. Егеттәрҙең барыһы ла төҙөүсе булып эшләйҙәр.
Уртансылары илдә мобилизация башланыр алдынан уҡ 2022 йыл башында Рәсәй Оборона министрлығы менән контракт төҙөп, Александр Доставалов исемендәге башҡорт батальоны составында китә. Яу яландарында “Базука” позывнойлы егет – штурмлаусы. Ә төпсөктәренә армияла хеҙмәт итеү насип булмаһа ла, патриотик рухлы егет ағаһы артынан хәрби зонаға юлланыу менән яна башлай. Рәсәй Оборона министрлығы менән контракт төҙөп теләген тормошҡа ашыра ул. Яугир “Ватан” отрядына эләгә. Шулай, 2023 йылдың апреленән “Младший” позывнойлы егет Тыуған ил һағына баҫа. Әлеге көндә ул – танкист. Уны ҡатыны, ҡыҙы һәм улы һағынып көтә. Яугир яңы ғына ҡыҫҡа ваҡытлы ялда булып, хәрби операция биләмәһенә юлланған.
- Улдарым бәләкәйҙән эшһөйәр, физик яҡтан ныҡлы һәм илһөйәр булып үҫтеләр. Улар бер-бер артлы махсус хәрби операцияға үҙ теләктәре менән китте. Балаларым тыуған яҡҡа еңеү менән ҡайтыуҙарына ышана, - ти әсәләре.
Фәниә БАТЫРШИНА.

Республика халҡы махсус хәрби операция зонаһында хеҙмәт итеү өсөн РФ Оборона министрлығы менән контракт төҙөһә, бер тап­ҡыр 505 мең һум аҡса аласаҡ. РФ Оборона министрлығы түләүҙәре (400 мең һум) һәм райондан (100 мең һум) контракт төҙөгәндә түләүҙәр 1 миллион һумға артты.
Контракт хеҙмәтенә бәйле һорауҙар буйынса 2-14-78, 2-11-58 телефондары буйынса шылтырата йәки Ҡырмыҫҡалы һәм Архангел райондары буйынса хәрби комиссариатҡа килергә мөмкин.