Бурысы -Ватанға хеҙмәт итеү

Бурысы -Ватанға хеҙмәт итеү

 “Боксит” ҡушаматлы яугир хәрби юлды һайлап, махсус хәрби операция башланыуҙың тәүге көнөнән алып алғы һыҙыҡта. Әлеге ваҡытта ул ваҡытлы ялға ҡайтҡан.

 ғәскәрҙәрендә хеҙмәт итә. Өлкән лейтенант дәрәжәһен­дә ул махсус хәрби операция барышында ышаныслы элемтәне тәьмин итә.

- Мин офицер булырға ҡарар иттем. Минең өсөн иң мөһиме – Ватаныбыҙға хеҙмәт итеү, - ти ул.

Яугир ғаиләлә берҙән-бер хәрби түгел: ҡустыһы ла уның кеүек хәрби булырға ҡарар иткән. Ҡырмыҫҡалы ауылында тыуып үҫкән егет 2-се һанлы мәктәпте та­мамлағас, Санкт-Петербург ҡалаһында Советтар Союзы Маршалы С. М. Буденный исемендәге элемтә хәрби ака­демияһының радиоэлемтә факультетында белем ала. 2021 йылда юллама буйынса Хабаровск ҡалаһындағы хәрби часҡа йүнәлтелә. 2022 йылдың апреленән ул махсус хәр­би операция биләмәһенеңә алғы һыҙығында.

Хәрби бурыстарын уңышлы үтәгәне, махсус хәрби операция биләмәһендә Ватаныбыҙҙы һәм илебеҙҙең дәүләт мәнфәғәттәрен һаҡлауҙа күрһәткән шәхси батырлығы һәм ҡыйыулығы өсөн “Боксит” Суворов миҙалы менән бүләкләнә.

Яҡташтарыбыҙҙың барыһына ла иҫән-һау, еңеү менән тыуған төйәктәренә тиҙерәк ҡайтыуҙарын теләйбеҙ!

Контракт хеҙмәтенә ҡағылышлы һорауҙар буйынса 2-14-78, 2-11-58 телефон һандары буйынса шылтыраты­рға йәки Ҡырмыҫҡалы һәм Архангел райондары хәрби ко­миссариатына килергә мөмкин.

Гөлназ ӘХМӘТОВА.