Яугир менән осраштыҡ

Яугир менән осраштыҡ

Бишауыл-Уңғар мәктәбе уҡыусылары менән осрашыуға махсус хәрби операцияла үҙенең патриотик һәм гражданлыҡ бурыстарын үтәгән саҡта яраланып, ҡыҫҡа ғына ялға ҡайтҡан элекке уҡыусыбыҙ Руслан Абдрафиҡов килде.

 Ул уҡыусыларға яу ялан­дарындағы хәлдәр хаҡында һөйләне. Тыуған илебеҙҙе яҡлауҙың һәр заман өсөн изге бурыс булып ҡалыуы хаҡында иҫкә төшөрөп, ана шул ата-бабаларыбыҙҙың аманатына тап төшөрмәҫкә, ҡыйыу, намыҫлы, аҡыллы һәм белемле кешеләр булып үҫергә саҡырҙы.

Осрашыу барышында яу­гир уҡыусыларҙың үҙҙәрен ҡыҙыҡһындырған күп һора­уҙарға яуап бирҙе.

Тоғро ир, уңған ғаилә башлығы, ике бала атаһы булған 43 йәшлек Руслан Абдрафиҡов ғинуар айында контракт хеҙмәтенә алына һәм Ватаныбыҙ һағына баҫа.

- Барлыҡ әүҙем яҡташта­рыма - ирекмәндәргә, уҡыусыларға сикһеҙ рәх­мәтемде белдерәм. Тыуған яҡ йылыһын һаҡлаған һеҙ ебәргән гуманитар ярҙам, изге теләктәр яҙылған хат­тар беҙҙең күңелдәребеҙгә дауа булып тора һәм бөт­мәҫ-төкәнмәҫ көс бирә, - тигән йөрәк түренән сыҡҡан һүҙҙәрен еткерҙе Руслан Ғәзим улы.

Тиҙҙән яугиребеҙ Тыуған илебеҙ тыныслығын һаҡлау өсөн тағы ла махсус хәрби операция биләмәһенә юлланасаҡ. Шундай файҙа­лы һәм фәһемле осрашыу ойошторғаны өсөн беҙ уға рәхмәт белдерәбеҙ һәм имен-һау, еңеү менән тыуған төйәгенә әйләнеп ҡай­тыуын көтәбеҙ.

Ғәлиә ВӘЛИЕВА,

Бишауыл-Уңғар мәктәбе уҡытыусыһы.

Контракт хеҙмәтенә бәй­ле һорауҙар менән телефон аша 117 һандарына шылты­ратырға була. Шулай уҡ Си­туацион үҙәккә - 122 йәки (347) 218-19-19 һандары буйынса мөрәжәғәт итергә ярай. Үҙегеҙҙе ҡыҙыҡһын­дырған һорауҙарға яуапты башбат.рф. сайтында табырға мөмкин.