Өй туйларға насип булһын!
Кешеләрҙең тормош сифатын яҡшыртыуға, уңайлы мөхит булдырыуға булышлыҡ иткән байтаҡ программалар бойомға ашырыла. Был юҫыҡта беҙҙең районда ла күләмле эштәр алып барыла.
Мәҫәлән, “Ауыл биләмәләрен комплекслы үҫтереү” буйынса дәүләт программаһына ярашлы, Бекетов ауылынан Юлия һәм Андрон Вишевтарға торлаҡ шарттарын яҡшыртыу өсөн аҡсалата сертификат бирелде.
Юлия Александровна “Артемида” тоҡомсолоҡ хужалығында ветеринар табибы булып эшләй. Ә тормош иптәше Андрон Александрович Росгвардия отрядында махсус хәрби операцияла ҡатнаша. Шуға күрә улар торлаҡҡа хоҡуҡ менән өҫтөнлөклө файҙалана алды.
Сертификатты алғандан һуң ғаилә үҙ йорттарын төҙөп инергә ниәтләй.
- Хыялығыҙҙағы өйҙө һалып инеп, бәхетле йәшәргә насип булһын, - тине район хакимиәте башлығы Әлфир Сабиров.
Беҙ ҙә Вишевтарға ныҡлы һаулыҡ, теләгән барлыҡ ниәттәренең бойомға ашыуын теләйбеҙ.
Контракт хеҙмәтенә бәйле һорауҙар менән телефон аша 117 һандарына шылтыратырға була. Беҙҙең районда йәшәүселәр 8(34765) 2-14- 78, 2-11-58 телефондары буйынса шылтырата йәки Ҡырмыҫҡалы һәм Архангел райондары буйынса хәрби комиссариатҡа килә ала.