Фәһемле осрашыу уҙҙы

 Салауат Ғүмәров менән хәрби ба­тырлығы өсөн 2-се дәрәжә миҙалы менән бүләкләнеүсе Илвир Байғусҡа­ров үҙҙәре белем алған мәктәп уҡыусы­лары һәм уҡытыусылары өсөн фәһем­ле әңгәмә үткәрҙеләр. Улар үҙҙәре хеҙмәт иткән ерҙәр тураһында һөйлә­неләр һәм уҡыусыларҙың һорауҙары­на яуап бирҙеләр. Егеттәрҙең буласаҡ һалдаттарға бөгөндән үк физик яҡтан әҙерләнергә, яҡшы уҡырға кәрәкле­ге хаҡындағы кәңәштәре, үҙ илеңдең патриоты булырға тейешлекте аңла­тыуҙары айырыуса әһәмиәтле булды. Шулай уҡ улар төрлө хәрби алымдар күрһәттеләр һәм уҡыусыларҙан ҡабат­латтылар.

Был осрашыу барыбыҙға ла бик оҡ­шаны. Егеттәргә хәрби хеҙмәттәрендә уңыштар һәм тыуған яҡтарына иҫән-һау әйләнеп ҡайтырға насип булһын.

Рита ДӘҮЛӘТШИНА.

Түбәнге Төкөн ауылы.