Күҙ нурҙарын ҡушып бәйләйҙәр

Һалҡын ҡыш көндәрендә ир-егеттәребеҙ өшөп йөрөмәһендәр өсөн йөн ойоҡбаштар бәйләү менән дә шөғөлләнә улар. Апай-инәйҙәргә ойошма һарыҡ йөнө һатып алып бирә һәм улар бәйләп штабҡа килтерә. 

- Ойоҡбаштарҙы бар күңел йылыбыҙҙы һалып бәйләйбеҙ. Улар егеттәребеҙгә барып етеп, аяҡтарын йылытып йөрөтһөн, - ти инде бер нисә партия ойоҡбаштар бәйләргә өлгөргән Шайморатов ауылынан Флүрә Ғүмәрова, Ҡырмыҫҡалы ауылынан Фәриҙә Халиҡова һәм Фидалия Ғүмәровалар.

Уларҙың был изге эштәренә башҡа ауылдарҙа йәшәүсе апай-еңгәйҙәр, ҡыҙҙар һәм килендәр ҡушылырҙар, тип ышанғы килә. Шулай уҡ "Беҙҙең патриот" ойошмаһы аша эске кейем, йылы кейемдәр, медицина кәрәк-яраҡтары, аҙыҡ-түлек ебәрергә була. Уларҙы ошо адрес буйынса килтерегеҙ:  Олокүл ауылы, К.Маркс урамы, 80-се йорт ("Магнит" магазины), Динараға мөрәжәғәт итергә.

Аҡсалата ярҙам итергә теләүселәр  2202 2061 3360 4418 Лена Фаил ҡыҙы Л исеменә бәйләнгән картаға күсерә ала.

Әлеге ваҡытта егеттәребеҙ беҙҙең ярҙам мохтаж, ҡулдан килгәнсә ярҙам ҡулын һуҙырға тырышайыҡ, йәмәғәт. Ә инде ҡышҡы оҙон кистәрҙә күҙ нурҙарын ҡушып ойоҡбаштар бәйләгән инәйҙәргә афарин һәм ҙур рәхмәт.

Гөлсәсәк Аласова.