Ауылдарҙа һәләк булған фронтовиктарҙың исемдәре яҙылған мәрмәр плиталар һәм обелисктарҙа бер фамилиялы байтаҡ кешеләрҙе табырға мөмкин, ҡайһы бер ғаиләләрҙән фронтҡа киткән өсәр-дүртәр кеше кире әйләнеп ҡайтмаған. Күптәре имгәнгән һәм сәламәтлектәре ҡаҡшаған йәиһә ҡайтҡас вафат булған. Бөгөн район биләмәһендә 4 Бөйөк Ватан һуғышы ветераны йәшәй. Ҡырмыҫҡалы ауылында Миңнислам Ғәбитов, Сахай ауылынан Сабирйән Әсфәндийәров, Прибельский ауылынан Илья Алексеев, Һәүәләй ауылынан Николай Астафьев. Иң өлкән ветеран – Сахай ауылында йәшәүсе Сабирйән Әсфәндийәровҡа - 105 йәш. Иң “йәштәре” лә хәҙер күптән туҡһан йәште уҙған.
Һеҙҙең батырлығығыҙ үлемһеҙ, ҡәҙерле ветерандар! Был һуғышта һәләк булған һәм иҫән ҡалғандарға мәңгелек дан!
Гөлсәсәк Аласова.