Төнъяҡ Амурҙары вариҫтары

Бөгөн район үҙәгенең "Аҡкүл" паркында ошо исем аҫтында бик матур сара үтте. Район үҙәк китапханаһы әҙерләгән "Парижды ла күрҙек беҙ" күргәҙмәһе, уҡтан атыу буйынса оҫталыҡ дәресе был сарала ҡатнашыусы һәр кемгә оҡшаны. Иҫке Бәпес ауылынан Рамазана Раян улы Шаймарҙанов, Ғафури районынан Ришат Раян улы Шаймарҙанов, Илшат Хәтим улы Хәбибуллиндар уҡтарҙың төрҙәре тураһында ентекле итеп һөйләне, дөрөҫ итеп төҙәргә, атырға өйрәтте, төнъяҡ амурҙарының кейемдәре тураһында ҡыҙыҡлы мәғлүмәттәр еткерҙе. Ошондай рухлы, файҙалы саралар күберәк уҙғарылһын ине, тип таралышты сарала ҡатнашыусылар.