Һалдат булыу - ҙур бурыс

1 октябрҙә көҙгө саҡырыу кампанияһы башланды. Армия сафтарын райондан барлығы 100-гә яҡын егет тулыландырасаҡ. Егеттәр илебеҙҙең төрлө тарафтарында – Калининградтан алып Камчаткаға тиклем хеҙмәт итәсәк. Саҡырылыусылар араһында урта, махсус һәм юғары уҡыу йорттарын тамамлаусылар бар. Контракт буйынса хеҙмәт итергә теләүселәр 1 йыл урынына 2 йыл һалдат бутҡаһын ашай.

Ҡораллы Көстәргә коронавирус инфекцияһы үтеп инеүенә юл ҡуймау маҡсатында, көҙгө саҡырылыш та барлыҡ санитар-эпидемиологик талаптарға ярашлы ойошторола.
Хәрби комиссариатҡа медицина тикшереүе үтергә килгән саҡырылыусыларҙың социаль дистанция һаҡлауы күҙәтеү аҫтында тотола. Ковид-19 ауырыуынан һаҡланыу сараларын күреү өсөн биналар көн һайын дезинфекциялана, бүлмәләр ультрафиолет-бактерицид лампалар менән йыһазландырылған, табиптар махсус кейемдәр кейеп ҡабул итә, антисептик саралар ҡуйылған, шулай уҡ автобустарға ла дезинфекция үткәрелә. Егеттәрҙең тән температуралары үлсәнә, йыйыу пунктына китер алдынан һәм унда барғас экспресс тест эшләнә. Һәр егеткә шәхси гигиена саралары һәм битлектәр һалынған контейнерҙар бирелә.

(Дауамын гәзиттән уҡығыҙ)
Гөлсәсәк Аласова.

Читайте нас:

Телефон

8(34765) 2-32-85

Электрон почта

[email protected]

Адресы

РБ Кармаскалинский район, с. Кармаскалы, переулок Речной , 7

Реклама хеҙмәте

83476523285

Редакция

83476523266

Ҡабул итеү бүлмәһе

83476523285

Хеҙмәттәшлек

83476523285

Кадрҙар бүлеге

83476523266