Владимир Путин махсус операцияла ҡатнашыусыларға 195 мең һум түләү буйынса ҡарар сығарҙы

Рәсәй Президенты Владимир Путин Рәсәй Федерацияһы Ҡораллы Көстәрендә хеҙмәт иткән мобилизацияланған һәм контракт буйынса хеҙмәт иткән һалдаттарға 195 мең һум күләмендә бер тапҡыр бирелә торған түләү бирергә бойорҙо.

Тейешле документ юридик мәғлүмәттең рәсми порталында ҡуйылған. Документта указдың 2022 йылдың 21 сентябренән алып барлыҡҡа килгән хоҡуҡи мөнәсәбәттәргә ҡағылыуы билдәләнә.