Һеҙ булдыраһығыҙ, үтәгәндәр!

 Һеҙ булдыраһығыҙ, үтәгәндәр!

Яңы Ҡыйышҡы ауылында “Кеше булһын затығыҙ” тип аталған, “Айыҡ ауыл” проектының йомғаҡлау сараһы булып тороусы, ауыл халҡының хеҙмәтен данлаусы район-ара фестиваль уҙҙы.

Йола буйынса байрам ҡу­наҡтарын – район хакимиәте башлығы урынбаҫары Гөлнара Иҫәнбаева, район башҡорт­тары ҡоролтайы башҡарма комитеты рәйесе Илмира Ғә­лиәхмәтова, Архангел райо­ны делегацияһы һәм Өфөнән килгән “Айыҡ ауыл” докумен­таль фильмын төшөрөүселәрҙе икмәк-тоҙ, йыр-бейеү менән ҡаршы алдылар һәм күҙ яуын алырлыҡ, төрлө тематикаға арналған күргәҙмәләр менән таныштырҙылар.

Район ауылдары биләмәләре әҙерләгән күргәҙмәлә күберәк хеҙмәт кешеһен дан­лауға арналған материалдар тупланған ине. Шулай уҡ ҡул эше оҫталары төрлө оҫталыҡ дәрестәре күрһәтте.

Мәҙәниәт йорто сәхнәһен­дәге тамаша Үтәгән ауылын­да тыуып үҫкән Социалистик Хеҙмәт Геройы Банат Баты­роваға һәм барлыҡ сөгөлдөр­сөләргә бағышланған сәх­нәләштереү менән башланып китте.

- Хеҙмәтте данлаған, рай­оныбыҙ данын күтәргән яҡташтарыбыҙға арналған мәртәбәле сараға әҙерләнгән саҡта тағы ла ғорурланырлыҡ яңы исемдәр астыҡ. Был эште артабан да дауам итәсәкбеҙ. Хеҙмәткә хөрмәт менән һуға­рылған бөгөнгө күргәҙмәлә беҙ күп яҡташтарыбыҙҙың эшен күрҙек. “Айыҡ ауыл” проек­тында ҡатнашыусы үтәгән­дәр сәләмәт тормошҡа, ауыл халҡын берләштереүгә һәм татыулыҡҡа йүнәлтелгән ғәй­әт ҙур эш башҡарҙы. Хеҙмәт династияларын, хеҙмәт­те данлаған бындай фести­валь үткәреү йолаға әүерелер, тип ышанам, -тине Гөлнара Мәҡсүт ҡыҙы сығышында һәм рәхмәт һүҙҙәренә ҡушып, алты ай буйына дөйөм эшкә тос өлөштәрен индергән иң әүҙем үтәгәндәргә – Юлиә Әҙеһәмова, Ильвина Әхмәтй­әнова, Айрат Байымов, Ил­мира Ғәзизуллина, Таңһылыу Ибәтуллина, Земфира Хөсәй­енова, Рәүфә Сәлимгәрәева менән Рәфил Йөҙлөкбаевтарға район хакимиәтенең Рәхмәт хаттарын тапшырҙы.

Илмира Әнүәр ҡыҙы ла Үтәгән ауылы халҡының уңғанлығына, тырышлығына һоҡланыуын белдерҙе һәм ауыл старостаһы Дилара Ҡоҙайғолова, мәктәп дирек­торы Зорина Иҙрисова, Яңы Ҡыйышҡы ауыл советы ха­кимиәте башлығы Фәнзиә Өмәтҡолова, ошо ауылда ты­уып үҫкән һәм һәр үткәрелгән сараның уртаһында ҡайнаусы Айрат Искәндәровтарҙы Бөтә донъя башҡорттары ҡоролтай­ының Рәхмәт хаттары менән бүләкләне.

Фәнзиә Фәнүз ҡыҙы үҙ си­ратында яҡташтарына булған ғорурлыҡ хистәренә үреп, бер төркөм үтәгәндәрҙе һәм Ар­хангел районы делегацияһын Рәхмәт хаттары менән бил­дәләп үтте.

Ғөмүмән, был кисәлә бүләкләнеүселәр һаны бихи­сап булды. Ә был инде Үтә­гән ауылы халҡының ысын мәғәнәһендә әүҙем, берҙәм, татыу, сәләмәт тормош яҡлы һәм кеше затлы булыуҙарын асыҡ күрһәтте.

Афарин, үтәгәндәр! Кон­курста еңеп сығырға яҙһын һеҙгә! Һеҙ булдыраһығыҙ, беҙ һеҙгә ышанабыҙ!

Район-ара фестиваль тан­танаһын талантлы яҡташтары­быҙҙың дәртле йыр-бейеүҙәре йәмләне.

Розалия НАЗАРОВА.

Автор фотолары.