Яугирҙәргә һарымһаҡ

Яугирҙәргә һарымһаҡ

Айыҡ ауыл халҡы махсус хәрби операция яугирҙәренә ярҙам итә. Был юлы һүҙебеҙ һарымһаҡ тураһында.

Үтәгән ауылында ҡабаҡ ҡына түгел, шулай уҡ һа­рымһаҡ та шәп үҫә. Көҙ – һалҡын алдырыу ваҡыты. Был ваҡытта кешенең иммуни­тетына ла ярҙам талап ителә. Быны яҡшы аңлаған үтәгәндәр яҙ көнө үк баҡсаларына фай­ҙалы йәшелсәне ултыртҡан һәм йәй буйы уны яҡшылап ҡарап үҫтергәндәр, ә көҙөн йыйып алып, киптергәндәр, таҙалағандар һәм матур төҫ биргәндәр. Был инициатива­ның авторҙары әйтеүенсә, бар­лығы 40 кг һарымһаҡ әҙерлән­гән. Ошо тәбиғи антибиотик сираттағы гуманитар конвой менән махсус хәрби операция биләмәһенә оҙатыласаҡ.

“Айыҡ ауыл” республика конкурсының муниципаль этабы башланғас та, Үтәгән ауылы халҡы эшлекле иници­атив команда төҙөүгә өлгәште. Был ваҡыт эсендә улар ауыл халҡын ғәҙәти сәләмәт тор­мош алып барыуға ылыҡты­рыу маҡсатына ҡоролған төрлө форматтағы унлаған сара үткәрҙе. Шулай ҙа, ауыл старостаһы Дилара Ҡоҙайғо­лова етәкселегендә үтәгәндәр үҙҙәренең эшмәкәрлегендә махсус хәрби операцияла ҡат­нашыусыларға ярҙам итеүҙе иң өҫтөнлөклө йүнәлеш тип һанай. Хәтерегеҙгә төшөрә­беҙ, үткән йылдың сентябрен­дә Яңы Ҡыйышҡы ауыл сове­тынан 13 кеше хәрби статусын алды.

Бар күңелен һәм хәстәрле­ген һалып үҫтергән һарымһаҡ беҙҙең хәрбиҙәргә ярҙам итер, тип ышына үтәгәндәр! Шуны ла билдәләп үтергә кәрәк, Яңы Ҡыйышҡы ауыл сове­ты халҡы махсус хәрби опе­рация яугирҙәренә иң әүҙем ярҙам күрһәтеүселәрҙең бе­реһе. Ысынлап та, дөйөм эш ниндәйҙер башҡа пробле­маларыңдан һәм хәстәрлек­тәреңдән арынырға ярҙам итә. Йәмәғәт эшенә баш көллө сумһаң, спиртлы эсемлектәр эсеү кеүек алама ғәҙәттәргә ваҡытың ҡалыуы ла икеле...

Гөлнара НИЗАМОВА.

Үтәгән ауылы.