Яугирҙәр менән осрашыу

Яугирҙәр менән осрашыу

Яңы Ҡыйышҡы ауылы мәҙәниәт йортонда Үтәгән һәм Яңы Ҡыйышҡы ауылы халҡы махсус хәрби операцияла ҡатнашыусылар менән осрашты.

Осрашыу ваҡытында яугирҙәр хәр­би хәрәкәт, еңеүгә табан илткән ауыр юлдар һәм һынауҙар тураһындағы хәтирәләре менән бүлеште, ҡыҫҡаса ғына махсус хәрби операциялағы көн­дәлек тормошто бәйән иттеләр. Шу­лай уҡ үҙҙәренең дуҫтары, ауыр саҡта бер-береңә дуҫтарса ярҙам күрһә­теү хаҡында һөйләнеләр. Улар бик аҙ һүҙлеләр. Мобилизацияланғандарға ярҙам күрһәткәндәре өсөн яҡташта­рына рәхмәт әйттеләр. Бигерәк тә, яҡташтарының исемләп ебәрелгән посылкалары өсөн ҡыуаныуҙарын бел­дерҙеләр.

- Иң беренсе сиратта беҙгә гума­нитар ярҙам итеүселәргә рәхмәт әй­ткебеҙ килә. Гуманитарка менән ки­леүсе район хакимиәте башлығына, ирекмәндәргә оло рәхмәт. Окоптарҙа булған саҡта һәр саҡ үҙебеҙҙең ғаиләгә ҡайтасағыбыҙ, ауылдаштарыбыҙ менән осрашасағыбыҙ тураһында уйландыҡ. Ауыр минуттарҙа ошондай уйҙар беҙ­гә көс һәм өмөт бирҙе, ә һеҙҙең хаттар күңелдәребеҙҙе йылытты, - тине улар, залда ултырғандарҙың барыһына ла мөрәжәғәт итеп.

Отпускка ҡайтҡан яҡташтар өсөн ауыл клубында “Беҙ бергә” тип аталған концерт ойошторолдо. Унда Үтәгән һәм Яңы Ҡыйышҡы ауылдары уҡыусы­лары һәм уҡытыусылары – Элина Туй­муллина, Айнур Күскилдин, Ильвина Әхмәтйәнова һәм шулай уҡ Прибель­ский мәҙәниәт йортоноң Дарья Якуни­на етәкселегендәге “Хорошие девчата” вокаль ансамбле ҡатнашты.

Осрашыу һуңында күмәкләшеп иҫтәлеккә фотоға төштөк һәм ошондай йәмле сара ойоштороусыларҙың ба­рыһына рәхмәт белдерҙек.

Фәнзиә ӨМӘТҠОЛОВА.

Яңы Ҡыйышҡы ауылы.