“Муравей” мәктәпкә килде

“Муравей” мәктәпкә килде

Үтәгән мәктәбе уҡыусылары махсус хәрби опера­цияла ҡатнашыусы “Муравей” ҡушаматлы яҡташы менән осрашты. Яугир үҙенең туған мәктәбенә ашҡынып һәм шул уҡ ваҡытта тулҡынланып килде.

“Муравей” – хәрби һөнәрле кеше. Ул бер нисә йыл контракт буйынса хеҙмәт итә. Бөгөнгө көндә уның контракт буйынса хеҙмәте тамамланған. Әле ул махсус хәрби операция биләмәһенә кире барырға­мы, әллә тыуған төйәктә генә хеҙмәтте дауам итер­гәме тигән уйҙар солғанышында.

Уҡыусылар яугир һөйләгәндәрҙе иғтибар менән тыңланы һәм үҙҙәрен ҡыҙыҡһындырған һорауҙарын бирҙе. Был фәһемле һәм илһөйәрлек менән һуға­рылған йылы осрашыуҙа балалар ысын батырҙарҙың беҙҙең эргәлә генә йәшәүе, Ватаныбыҙға һөйөү, ҡаһарманлыҡ һәр бер Рәсәй кешеһенең сифаты икә­ненә тағы бер ҡабат инандылар.

Яңы Ҡыйышҡы ауыл советы

мәғлүмәттәре буйынса

Розалия НАЗАРОВА әҙерләне.