Даирә
+12 °С
Ясна
Бөтә яңылыҡтар
Файҙалы эштәр йылы
19 Октябрь 2023, 14:31

Мәрхәмәтлек акцияһына ҡушылдыҡ

С.Т. Аксаков исемендәге Иҫке Ҡыйышҡы мәктәбендә уҡытыусылар, ата-әсәләр, уҡыусылар һәм мәктәп етәкселеге инициативаһы менән “Үҙебеҙҙекеләрҙе ташла­майбыҙ” акцияһы сиктәрендә махсус хәрби операцияла ҡатнашыусыларға ярҙам итеү өсөн аҡса йыйыу маҡсаты менән “Изгелек йәрминкәһе” тип аталған мәрхәмәт­лек сараһы уҙғарҙыҡ.

Мәрхәмәтлек акцияһына ҡушылдыҡ
Мәрхәмәтлек акцияһына ҡушылдыҡ

Мәрхәмәтлек акцияһына ҡушылдыҡ

С.Т. Аксаков исемендәге Иҫке Ҡыйышҡы мәктәбендә уҡытыусылар, ата-әсәләр, уҡыусылар һәм мәктәп етәкселеге инициативаһы менән “Үҙебеҙҙекеләрҙе ташла­майбыҙ” акцияһы сиктәрендә махсус хәрби операцияла ҡатнашыусыларға ярҙам итеү өсөн аҡса йыйыу маҡсаты менән “Изгелек йәрминкәһе” тип аталған мәрхәмәт­лек сараһы уҙғарҙыҡ.

Был акцияла мәктәп­тең барлыҡ уҡыусылары, ата-әсәләре һәм уҡытыу­сылары әүҙем ҡатнашты. Беҙҙе бигерәк тә үҙҙәренең иғтибарын һәм йылыһын бүләк итергә әҙер булған шундай ихлас, изге күңел­ле, битараф булмаған ба­лаларҙың күплеге ҡыуан­дырҙы.

“Изгелек йәрминкәһе”ндә ҡыҫҡа ваҡытлы ялға ҡайтҡан махсус хәрби операцияла ҡатнашыусы­ның да булыуы сарабыҙға оло мәртәбә өҫтәне.

Ошо изге эштә ҡатна­шыусыларҙың барыһына ла был ваҡиға яуҙа йөрө­гәндәргә ярҙам итеүҙән тыш, сағыу хис-тойғолар һәм яҡшы кәйеф бүләк итте.

Йәрминкәләге өҫтәл­дәр зауыҡлы биҙәлеше һәм бай булыуы менән һатып алыусыларҙы йәлеп итте. Беренсе класс уҡы­усыларының ата-әсәләре үҙҙәренең балалары өсөн бигерәк тә ныҡ ты­рышҡан. Был уларҙың тәү­ге йәрминкәһе!

Йәрминкәлә бар нәмә матур һәм байрамса ине. Уҡыусылар үҙҙәре үк һаты­усылар ролен башҡарҙы. Һатып алыусылар симво­лик хаҡҡа ғына үҙҙәренә оҡшаған әйберҙәр һатып алыу мөмкинлегенә эйә булды. Шулай уҡ аҡсала­та ярҙам күрһәтеүселәр ҙә байтаҡ булды.

Уҡыусылар әйтеүенсә, был ауыр заманда һәр кем изге эштәр башҡарыу һәм мохтаждарға ярҙам итеү тураһында оноторға тейеш түгел.

Сәғәт ярым эсендә генә йәрминкәлә 23 мең һум аҡса йыйып алдыҡ. Был аҡса махсус хәрби операцияла ҡатнашыусы яҡташтарыбыҙға медика­менттар һәм иң ныҡ кәрәк булған әйберҙәр алыу өсөн ҡулланыласаҡ.

Мәктәп етәкселе­ге “Изге йәрминкә”гә килгәндәрҙең барыһы­на ла оло рәхмәт бел­дерә. Мәрхәмәтлек акци­яһын ойоштороуҙа һәм үткәреүҙә ярҙам иткән бөтә уҡыусыларға һәм ата-әсәләргә рәхмәтлебеҙ.

Ирина ХАЖИВӘЛИЕВА.

Иҫке Ҡыйышҡы ауылы.

Автор:Розалия Назарова
Читайте нас: