Мәктәпкә йыйынырға ярҙам ит!

Мәктәпкә йыйынырға ярҙам ит!

БР Ғаилә, хеҙмәт һәм халыҡты социаль яҡлау министрлығы 13-сө тапҡыр үткәрелә кил­гән “Мәктәпкә йыйынырға ярҙам ит” республика шәфҡәтлелек акцияһына старт бирҙе. Ул 1 июлдән 31 авгусҡа тиклем ойошторола.

Сараның маҡсаты – әҙ тәьмин ителгән, күп балалы, ауыр тормош хәлендә ҡалған йә тулы булмаған ғаиләләрҙә үҫкән уҡыусы­ларға 1 сентябргә әҙерләнергә ярҙам итеү.

Канцелярия тауарҙары, яҙыу-һүрәт төшөрөү кәрәк-яраҡтары, дәфтәрҙәр, бала­лар ижады өсөн йыйылмалар хәйриә акци­яһында ҡатнашыусыларҙан яңы килеш кенә ҡабул ителә. Портфелдәр, мәктәп формаһы, дәреслектәр, нәфис әҙәбиәт – яңы йәки һәйбәт торошта булырға тейеш.

Мәктәп кәрәк-яраҡтары «Ғаилә» рай­он-ара үҙәктәрендә һәм уларҙың ҡала-рай­ондарҙағы бүлексәләрендә ойошторола.

Ҡырмыҫҡалы районындағы ғаилә хеҙмә­те адресы: Ҡырмыҫҡалы ауылы, Киров ура­мы, 40-сы һанлы йорт, 41-се кабинет, теле­фоны: 2-12-82.

Шәфҡәтлелек акцияһы сиктәрендә кеше хәлен аңлаған, тирә-йүндәгеләргә битараф булмағандарҙың тырышлығы менән йыл да Башҡортостанда меңләгән ғаиләләргә ярҙам күрһәтелә.

Акцияның һөҙөмтәләре сентябрь башында билдәле буласаҡ һәм бар респу­блика халҡы иң әүҙем ярҙамсылар тураһын­да беләсәк. Барлыҡ мәғлүмәт БР Ғаилә, хеҙмәт һәм халыҡты социаль яҡлау мини­стрлығының рәсми сайтында, Ғаилә порта­лында баҫыласаҡ.

Эльвира РӘХМӘТУЛЛИНА,

райондың “Ғаилә” хеҙмәте етәксеһе.