Тимерйән Рәжәпов иҫтәлегенә хәтер кисәһе ойошторола

Бынан бер йыл элек Бөтә донъя башҡорттары ҡоролтайы Башҡарма комитеты ағзаһы, Миңлеғәле Шайморатов исемендәге ирекмәндәр отряды етәксеһе, Башҡортостан хәрби хәрәкәттәр ветерандарының төбәк йәмәғәт ойошмаһы рәйесе Тимерйән Рәжәпов вафат булды.

Ул ир-егеттәргә, айырыуса йәш быуын вәкилдәренә сағыу илһөйәрлек өлгөһө күрһәтеп йәшәгән һоҡланғыс шәхес ине. Республикабыҙҙа янғындар мәлендә әүҙем ойоштороу эштәре башҡарып, ут һүндереүҙә алдан йөрөгән; мохтаждарға, МХО-лағы һалдаттарыбыҙға гуманитар ылау ташыған ярҙамсыл, оло йөрәкле ир-уҙаман, тип беләбеҙ уны. Милләтебеҙ өсөн башҡа йәһәттән дә бихисап изге ғәмәлдәр атҡарған илһөйәр ине Тимерйән Рәжәпов.

4 июндә, “Башҡортостан” концерт залының Бәләкәй залында Бөтә донъя башҡорттары ҡоролтайы һәм Баймаҡ районының яҡташтар ойошмаһы Тимерйән Рәжәпов иҫтәлегенә хәтер кисәһе ойоштора.
Барлыҡ һорауҙар буйынса 8 967 788 97 17 телефоны буйынса шылтыратырға мөмкин.

#ҡоролтай #ВсемирныйКурултайБашкир #курултай #ГКЗБашкортостан #Уфа #Өфө #хәтер