Ауыл халҡы, минең милли кейем менән ҡыҙыҡһынғанымды белеп, йыйылышып 8 Мартҡа башыма ҡашмау бүләк итте. Икеһен бергә "Үтәгән уйындары" кеүек ҙур сараларҙа кейәм, шулай уҡ район музейына экскурсияға барғанда кейҙем. Һәр беребеҙҙең түшерелдеректәребеҙ ҙә бар. Уларҙы оҙаҡ йылдар Сибай ҡалаһында башҡорт теле уҡытыусыһы булып эшләп ҡайтҡан ауылдашыбыҙ Әминә апай Зиннәт ҡыҙына заказ биреп эшләтеп алдыҡ. Ишембай районы Ишәй ауылы эшҡыуарынан төрлө бижутериялар (беләҙектәр, муйынсаҡтар, һырғылар) килтерттек.
Һуңғы ике йылда ауылыбыҙ апайҙары араһында француз яулыҡтары Үтәгән трендына әйләнде. Үткән йыл 40 дана алып ябынғайныҡ. Әле Өфөнән йәнә 36-ны алып ҡайттыҡ, тағы ла һораусылар бар. Элек 100*100 үлсәмлеһен күберәк алһалар, хәҙер 140*140-ын йәш ҡыҙҙарыбыҙ бик матур итеп ябынырға өйрәнгәндәр. Мәсетебеҙҙә үткән Ифтар аштарына килештереп ябынып килделәр. Күҙҙе алғыһыҙ, бик килешә үҙҙәренә. Француз яулыҡты беҙ милли кейем кеүек кенә түгел, ә үҙебеҙҙең ауылдаштарыбыҙ, 1812 йылдағы Ватан һуғышы геройҙары, шул уҡ рәттә беренсенән булып торған легендар Абдрахман батыр иҫтәлегенә тоғро булғанға ябынабыҙ. Туғандарыбыҙ менән Шәжәрә байрамдары үткәргәндә, ауылыбыҙҙа, район, республика кимәлендә үткән сараларҙа беҙ үҙебеҙҙең милли кейемдәребеҙҙе кейеп барырға тырышабыҙ. Улар беҙгә йәм, рух, берҙәмлек өҫтәгән кеүек хис итәбеҙ.
Рәмилә Исхаҡова, Бишауыл-Уңғар ауылы:
- Мин башҡорт милли кейемен кейергә яратам, сөнки ул минең тамырымда, минең рухымда. Был кейем - ата-бабаларҙан ҡалған ҡиммәтле мираҫ.
Милли кейем – ул быуындар бәйләнеше, халҡыбыҙҙың тарихы, уның күңел донъяһының көҙгөһө. Башҡорт милли кейеме бик бай һәм матур.
Минеңсә, милли кейем кейеү – ата-бабалар мираҫына, уларҙың йолаларына, көнкүрешенә һәм мәҙәниәтенә ихтирам билдәһе лә. Был милләтемдең бер өлөшө булыуымды тойорға ярҙам итә, ғорурлыҡ тойғоһо уята. Был кейемде Башҡорт теле, Милли кейем һәм Халыҡ-ара туған телдәр көнөндә генә кейәм, көн дә кейеү урынһыҙ, тип уйлайым.
Шәмсиә Ҡолбахтина, Шәрипҡол ауылы:
- Беҙҙең халҡыбыҙҙың милли кейемдәре иҫ киткес матур бит ул! Мин уларҙы бик ярата, һоҡлана инем. Баймаҡ ҡалаһында йәшәгән Әлмирә ҡыҙыма ҙур рәхмәт, ул миңә башҡорт стилендәге балитәкле, әберкәле ике күлдәк, ике камзул тектереп алып ҡайтҡайны. Хәҙер нисә йыл инде йәшел күлдәк менән зәңгәр камзул, зәңгәргә аҡ түңәрәктәр төшкән күлдәк менән көрән камзул кейәм. Башыма элек инәйем ябынғанса дүрткел итеп төшөрөп яулыҡ ябынам. Элек ул һәм башҡа ҡатын-ҡыҙҙар шулай әберкәле күлдәктәр, камзул кейеп йөрөй торғайны. Был кейем менән Ҡөрьән аштарына, ҡунаҡтарға йөрөйөм, башҡа райондарҙа йәшәгән ҡоҙа-ҡоҙағыйҙарыма ла барам. Миңә 88 йәш. Алдағы көндәрҙә лә ошо милли кейемдәремде кейеп, Ҡөрьән аштарына йөрөргә Хоҙай Тәғәлә насип итһен.
Ләйлә Ғафарова, Ҡырмыҫҡалы ауылы:
Милли кейем миңә бик оҡшай. Был матур кейем генә түгел, ә тарих менән бәйләнеш, мәҙәни мираҫтың бер өлөшө булып тойоу мөмкинлеге лә. Айырым осраҡтарҙа ғына кейһәң дә, ул халҡымдың бай традицияларын иҫкә төшөрә. Мин халҡыбыҙҙың милли кейемен милли байрамдарға, мәктәп сараларына кейәм. Был кейемдә үҙемде мәҙәни мираҫты һаҡлаусы итеп тоям.
Биҙәүестәрҙән иһә көмөш беләҙек менән көмөш йөҙөгөмдө көн һайын яратып тағып йөрөйөм. Өләсәйҙәребеҙ өсөн көмөш тәңкәләр алтындан да ҡиммәтерәк булған. Милли стилдең элементтары хәҙерге гардеробта йыш осрай. Бындай деталдәр шәхестең үҙ тамырҙарына хөрмәтен күрһәтә.
Фәниә Сәлимгәрәева яҙып алды.
Һуңғы ике йылда ауылыбыҙ апайҙары араһында француз яулыҡтары Үтәгән трендына әйләнде. Үткән йыл 40 дана алып ябынғайныҡ. Әле Өфөнән йәнә 36-ны алып ҡайттыҡ, тағы ла һораусылар бар. Элек 100*100 үлсәмлеһен күберәк алһалар, хәҙер 140*140-ын йәш ҡыҙҙарыбыҙ бик матур итеп ябынырға өйрәнгәндәр. Мәсетебеҙҙә үткән Ифтар аштарына килештереп ябынып килделәр. Күҙҙе алғыһыҙ, бик килешә үҙҙәренә. Француз яулыҡты беҙ милли кейем кеүек кенә түгел, ә үҙебеҙҙең ауылдаштарыбыҙ, 1812 йылдағы Ватан һуғышы геройҙары, шул уҡ рәттә беренсенән булып торған легендар Абдрахман батыр иҫтәлегенә тоғро булғанға ябынабыҙ. Туғандарыбыҙ менән Шәжәрә байрамдары үткәргәндә, ауылыбыҙҙа, район, республика кимәлендә үткән сараларҙа беҙ үҙебеҙҙең милли кейемдәребеҙҙе кейеп барырға тырышабыҙ. Улар беҙгә йәм, рух, берҙәмлек өҫтәгән кеүек хис итәбеҙ.
Рәмилә Исхаҡова, Бишауыл-Уңғар ауылы:
- Мин башҡорт милли кейемен кейергә яратам, сөнки ул минең тамырымда, минең рухымда. Был кейем - ата-бабаларҙан ҡалған ҡиммәтле мираҫ.
Милли кейем – ул быуындар бәйләнеше, халҡыбыҙҙың тарихы, уның күңел донъяһының көҙгөһө. Башҡорт милли кейеме бик бай һәм матур.
Минеңсә, милли кейем кейеү – ата-бабалар мираҫына, уларҙың йолаларына, көнкүрешенә һәм мәҙәниәтенә ихтирам билдәһе лә. Был милләтемдең бер өлөшө булыуымды тойорға ярҙам итә, ғорурлыҡ тойғоһо уята. Был кейемде Башҡорт теле, Милли кейем һәм Халыҡ-ара туған телдәр көнөндә генә кейәм, көн дә кейеү урынһыҙ, тип уйлайым.
Шәмсиә Ҡолбахтина, Шәрипҡол ауылы:
- Беҙҙең халҡыбыҙҙың милли кейемдәре иҫ киткес матур бит ул! Мин уларҙы бик ярата, һоҡлана инем. Баймаҡ ҡалаһында йәшәгән Әлмирә ҡыҙыма ҙур рәхмәт, ул миңә башҡорт стилендәге балитәкле, әберкәле ике күлдәк, ике камзул тектереп алып ҡайтҡайны. Хәҙер нисә йыл инде йәшел күлдәк менән зәңгәр камзул, зәңгәргә аҡ түңәрәктәр төшкән күлдәк менән көрән камзул кейәм. Башыма элек инәйем ябынғанса дүрткел итеп төшөрөп яулыҡ ябынам. Элек ул һәм башҡа ҡатын-ҡыҙҙар шулай әберкәле күлдәктәр, камзул кейеп йөрөй торғайны. Был кейем менән Ҡөрьән аштарына, ҡунаҡтарға йөрөйөм, башҡа райондарҙа йәшәгән ҡоҙа-ҡоҙағыйҙарыма ла барам. Миңә 88 йәш. Алдағы көндәрҙә лә ошо милли кейемдәремде кейеп, Ҡөрьән аштарына йөрөргә Хоҙай Тәғәлә насип итһен.
Ләйлә Ғафарова, Ҡырмыҫҡалы ауылы:
Милли кейем миңә бик оҡшай. Был матур кейем генә түгел, ә тарих менән бәйләнеш, мәҙәни мираҫтың бер өлөшө булып тойоу мөмкинлеге лә. Айырым осраҡтарҙа ғына кейһәң дә, ул халҡымдың бай традицияларын иҫкә төшөрә. Мин халҡыбыҙҙың милли кейемен милли байрамдарға, мәктәп сараларына кейәм. Был кейемдә үҙемде мәҙәни мираҫты һаҡлаусы итеп тоям.
Биҙәүестәрҙән иһә көмөш беләҙек менән көмөш йөҙөгөмдө көн һайын яратып тағып йөрөйөм. Өләсәйҙәребеҙ өсөн көмөш тәңкәләр алтындан да ҡиммәтерәк булған. Милли стилдең элементтары хәҙерге гардеробта йыш осрай. Бындай деталдәр шәхестең үҙ тамырҙарына хөрмәтен күрһәтә.
Фәниә Сәлимгәрәева яҙып алды.
