Гран-при – беҙҙекеләрҙә!

Был конкурста Малай мәктәбе "Хазина" фольклор төркөмө (коллективтың етәкселәре – башҡорт теле һәм әҙәбиәте уҡытыусыһы Миләүшә Ғәйфуллина, башланғыс кластар уҡытыусыһы – Ләйсән Йәлилова, гармунсы – Мансур Юламанов) "Бейеүҙəрең -сəхнəлə, хəтерең - йөрəктəрҙə" Яҡташыбыҙ бейеү алиһəһе Рəүилə Хажиеваның яҡты иҫтәлегенә" эҙләнеү-тикшеренеү эше буйынса сәхнәләштереү менән сығыш яһаны. Республика район-ҡалаларынан 20 балалар коллективы араһынан "Хазиналар" гран-при алып ҡайтты. Шулай уҡ Рəүилə Хажиева ролен башҡарған Камилла Шəмиғолова "Иң оҫта ҡатын-ҡыҙ ролен башҡарыусы" номинацияһында еңеүсе булһа, Илмир Ҡоҙаҡаев "Оҫталыҡ сере" номинацияһына лайыҡ булды. Етәкселәр Рәхмәт хаттарына, уҡыусылар БР Мәғариф һәм фән министрлығының Маҡтау ҡағыҙҙары һəм приздары менән бүләкләнде.
Талантлы, маҡсатҡа ирешкән балаларҙы һәм уларҙы юғары кимәлдә әҙерләгән педагогтарҙы еңеүҙәре менән ҡотлайбыҙ!