Ляхов ауылы юлдарҙы үҙ ҡулына ала

Ляхов ауылы халҡы “Урындағы башланғыстарҙы хуплау” программаһына ҙур теләк менән ҡушылды.

Күптән түгел ауылда программала ҡатнашыу мәсьәләһе буйынса йыйылыш үткәрелде. Тауыш биреүгә юлдарҙы тәртиптә тотоу өсөн тағылмалы ҡорамал (грейдер) һатып алыу тәҡдим ителгән. Был ҡарар урам юлдарын оператив һәм үҙ аллы тәртиптә тоторға мөмкинлек бирә. Ни өсөн тағылмалы грейдер? Анализ күрһәтеүенсә, был бәләкәй ауыл ихтыяждары өсөн иң экономиялы һәм һөҙөмтәле ҡарар:

- Экономиялылыҡ: үҙ двигателе булмауы һатып алыуҙы һәм эксплуатациялауҙы арзанайта. Техника хужалыҡта булған ябай трактор менән дә эшләй ала.

- Универсаллелек: грейдер соҡорҙарҙы тигеҙләп кенә ҡалмай, ул һыу ағыҙыуҙы тәьмин итә, боҙҙо һәм тығыҙланған ҡарҙы ҡырҡа, ҡырсынташ өйөмөн тигеҙләй һәм юл буйы канауҙарын таҙарта ала.

- Ышаныслылыҡ: конструкцияның ябайлығы (рама, отвал, гидравлика) оҙайлы хеҙмәт итеү ваҡытын һәм еңел хеҙмәтләндереүҙе гарантиялай, был сикләнгән ауыл бюджеты өсөн бик мөһим.

Мәҙәниәт эш өсөн берләштерә

“Урындағы башланғыстарҙы хуплау” программаһында ҡатнашыу йыйылыш форматында ғына үтмәне, халыҡты мәғлүмәт менән тәьмин итеү һәм уларҙы берләштереү өсөн ҡайнар сәй менән күсмә концерт та ойошторолдо. Унда йылы мөхиттә проект тураһында фекер алышырға, һорауҙар бирергә һәм тәҡдимдәр индерергә мөмкин булды. Бындай алым эш процесын йәмәғәт ваҡиғаһына әйләндерә, ауыл халҡының мөһим йыйылыштарҙа әүҙем ҡатнашыуын арттыра.

ППМИ нисек эшләй?

“Урындағы башланғыстарға ярҙам” программаһы – республика ҡаҙнаһы, район бюджетының финанс ресурстарын, халыҡтың һәм юридик берәмектәрҙең аҡсаһын социаль әһәмиәтле проблемаларҙы хәл итеүгә йүнәлткән, урындағы халыҡтың тормошон уңайлыраҡ итергә мөмкинлек биргән механизм. Был өҫтөнлөктө һайлауға яуаплы ҡарарға мәжбүр итә: проект, ысынлап та, кәрәкле һәм күпселек халыҡ тарафынан хупланған булырға тейеш.

Светлана УРАЗБАХТИНА.