Берҙәмлекте нығыта

Үтәгән мәктәбендә махсус хәрби операцияла ҡатнашыусылар хөрмәтенә волейбол турниры үтте.
Турнирҙың төп маҡсаты - йәштәрҙе сәләмәт тормошҡа ылыҡтырыу, йәш быуында патриотик рух тәрбиәләү.
Волейбол ярышында Үтә­гән, Һәүәләй һәм хәрби хәрә­кәттәр ветерандарынан торған алты команда көс һынашты.
Дәртләндереү һүҙҙәре, көс­лө алҡыштар менән спорт залы гөрләп торҙо. Уйындар тулҡынландырғыс һәм мауыҡ­тырғыс булды. Һәр команданың үҙ уйынсылары, үҙ алымдары бар ине. Дуҫтарса атмосфераға ҡарамаҫтан, бер кем дә алдынғылыҡты бирергә теләмәйенсә, бар тырышлығын һалды.
Көсөргәнешле һәм сәмле турнир йомғаҡтары буйынса урындар түбәндәгесә бүленде: Үтәгән командаһы беренсе урынға лайыҡ булды, икенсе урында – Һәүәләй, өсөнсө урынға хәрби хәрәкәттәр ветерандары командаһы сыҡты.
Турнир берҙәмлекте һәм махсус хәрби операцияла ҡатнашыусыларға ярҙамдың сағыу миҫалы булып тора. Ул хатта спорт залында ла теләктәшлек күрһәтергә мөмкин булыуын күрһәтә.
Эльмир Миһранов.