Зыярат биләмәһен төҙөкләндерәсәктәр

Ефремкин ауыл биләмәһенең Матросовка ауылында үткәрелгән халыҡ йыйылышында бөтә ауыл өсөн мөһим ҡарар ҡабул ителде. Бер нисә осрашыу алдынан үткәрелгән асыҡ фекер алышыу һөҙөмтәһендә йыйылышта ҡатнашыусылар “Матросовка ауылы зыяраты ҡоймаһын капиталь ремонтлау” проекты менән “Урындағы башланғыстарҙы хуплау” программаһында ҡатнашыу өсөн берҙәм тауыш бирҙеләр.
Был башланғысты тормошҡа ашырыу өсөн 10 кешенән торған инициатив төркөм төҙөлдө. Уның составында Ольга Тимофеева, Лариса Ефимова, Светлана Йәғәфәрова, Наталья Максимова, Юлия Федорова, Олег Титов, Геннадий Кудряшов, Анна Сухарева, Алексей Федоров тора. Уның рәйесе итеп Сергей Трофимов һайланды.
“Урындағы башланғыстарҙы хуплау” программаһы – граждандарҙы урында­ғы әһәмиәттәге мәсьәләләрҙе хәл итеүгә туранан-тура йәлеп итеүгә нигеҙләнгән инициатив бюджетлаштырыу практикаһы. Программа киҫкен социаль мәсьәләләрҙе оператив хәл итеүҙән тыш, йәмәғәт контролен көсәйтеү иҫәбенә бюджет сығымдарының һөҙөмтәлелеген арттырырға, халыҡ менән власть араһында ышанысты нығытырға ярҙам итә.
“Урындағы башланғыстарҙы хуплау” программаһы сиктәрендә мәҙәниәт, спорт һәм инфраструктура объекттарын төҙөкләндереү, ремонтлау буйынса проекттар тормошҡа ашырыла, өҫтәүенә ерләү урындары туранан-тура финанслау өсөн рөхсәт ителгән объекттар исемлегенә индерелгән.
- Ефремкин ауыл Советы проектта беренсе тапҡыр ғына ҡатнашмай. Үткән йылдарҙа Антоновка, Дмитриевка һәм Күлләр ауылдарында зыярат биләмәләрен төҙөкләндерҙек, Ефремкин ауылында спорт һәм балалар майҙансыҡтары булдырҙыҡ һәм трактор һатып алдыҡ. Быларҙың барыһы ла халыҡ, урындағы һәм республика бюджеттары яғынан финанслауҙың мөһим башланғыс­тарҙы тормошҡа ашырыр­ға мөмкинлек биреүен күрһәтте,- ти Ефремкин ауыл Советы ауыл биләмәһе башлығы Наталья Иванова.
“Урындағы башланғыстарҙы хуплау” программаһы ярҙамында беҙ Ефремкин ауылындағы спорт майҙансығын, Дмитриевка ауылындағы зыяратты капиталь ремонтлай алдыҡ, шулай уҡ хужалыҡ ихтыяждары өсөн шнекороторы булған “Беларус-82.1” тракторы һатып алынды.
Йыйылыш барышында Матросовка халҡы үҙҙәренең киләсәк килеменең күләмен билдәләне, был тәүге аҙымдарҙың береһе булып тора. Финанслау алыу өсөн проект конкурс буйынса һайлап алыуҙы үтергә тейеш, унда халыҡтың әүҙемлеге, уларҙың берлектә финанслау кимәле, бағыусылар йәлеп итеү һәм башҡа өҫтөнлөктәр баһалана. Шулай итеп, Матросовка халҡы үҙ ауылының йөҙөн яҡшыртыу һәм ата-бабалары тураһында хәтерҙе һаҡлау яғына тәүәккәл аҙым яһаны.
“Урындағы башланғыстарҙы хуплау” программаһында ҡатнашыу - ул финанслау алыу мөмкинлеге генә түгел, ә гражданлыҡ аңлылығы, ижади эшкә әҙерлек һәм үҙенең бәләкәй Ватаны өсөн яуаплылыҡ күрһәтеү.
Светлана КАРПОВА.